Friday 8 May 2015

Appel au Veuvi

Né v'chîn l'texte d'aniet d'not' auteu du mais, Livonia:

Here's today's text by our author of the month, Livonia:

Appel au Veuvi
Je sis jour et niet, enfein tréjous a m'l'amenté,
Quand je pense que j'm'en vais avé les quarantes a noué.
Eunne fille ne peut pas être bein rêjouits,
Quand ou'l est restais avec les quatre fais dgix.

J'ai tet a touos les examens et sermons t'channeaie.
A toute les vendues et "show," avec ma meumaie;
J'amais je ne manque en ville au Samedi,
Pour vais si je verrai eun certain Veuvi.

J'en vait bein d'aoutre, mais je ne les aime pas,
Les euns sont trop heaout, les aoutres sont trop bas.
Je sais bein que je sis bein drôle et dificile;
Chest s'en doute là, la raison que j'sis vielle fille.

J'en ai yieu longtemps deuex ou trais sçouos yi,
Mais yieun est trop jeune, l'aoutre est trop vi;
Mais pour m'en choiex, j'aime mus eun Veuvi,
Car comme n'ou dit, il a pot et tchuyi.

Yian a doeux qui veinne souvent avec mé;
J'allons souvent touos les trais nos promné;
Yieun est p'tit, l'aoutre est bein grand,
Mais touos les doeux sont mes pathens.

Mais si j'avais m'en bouan chier Veuvi,
Je les laiserez tous pour l'amour de li;
Mais oueque il est? yia longtemps que j'ein le veu;
Il est sans doute assis auprès d'un bouan feu.

Oh! mais qui m'engnie dans les longues setheais,
Je sis tréjous avec nos gens, peupaie et meumaie;
Mais pour me rêviyi et me d'zengnié eun mio,
Je prins (mais y'n faut pas l'dithe) a la boïete a sno.

Mon doux, ch'nest pas qui yiait d'honte a snofé,
Pas pus que pour les hommes a mâchi où fumé;
Mais n'ou l'fait, quand n'ou z'est fille, eun mio en secret;
Car n'ou n'aime pas a môtré s'en rouoge mouochet.

Mais je ne snofthais pas si j'avais eun galant,
Car il est probabyie qui ne m'enniethait pas tant;
Ch'est pourtchi, Veuvi vein, tu s'ças le beinv'nu,
Par peupaie et meumaie, tu sças bein r'chu.

Si tuas bouanne ydais, faut te dêpaichi,
Tandi que j'ai oùquo la "goe" scouos l'yi,
Car eunne fais que les quarante sont v'nus,
D'anneais en anneais n'ou s'en va sus l'pus.

Et pis yia eun vier poet français qui dit:

Quand une fille a quarante ans,
Elle est comme une Citadelle,
Ses attraits sont des revenants,
Qui nuit et jour s'éloigne d'elle.

No comments: