Saturday 16 May 2015

La Bataille des Fleurs

Né v'chîn l'texte d'aniet d'not' auteu du mais, Livonia:

Here's today's text by our author of the month, Livonia:

La Bataille des Fleurs
La grande tante veux allé a la bataille,
Nimporte si les gens veulle pâslé, qui pâles,
J'irai, j'irai, mais vaithe, comme ou dis.
J'irai pour mauotré mes biauex habits.

Car hélas! j'en ai eun tet tas de serrais,
Que jamais, nen jamais, j'ne verrai eusais;
J'espethe que les siens qui les éthons après mé,
Sethons comme me, les bein préeservé.

Ou d'mandi a eunne vaisinne dallé avec yi,
Et ou s'abiyi comme quand la reine vint en Jerri;
Car chu jour la pour être "up-to-date",
Y faout s'abiyi drôle pour la fête.

Notre tante dêshale sa robe a picots,
Qui l'y faisait bein surtout dans le dos:
Mais pour en dithe la loyale veritait,
Ou faisait bein la oueque ou touchait.

Ou'l eut bein de la peine a avé eun tichiet;
Mais je crai que ou'l en eut yieun de donnait;
Car quand n'ou l'y demandi chi prix qui tait,
Ou s'mins a souorithe et dis chest eun secret.

Mais quand y vindre sus le champ de bataille,
La tante demandi oueque qui faout que jaille.
Eun homme l'y dis mountrais me votre tichiet,
Et y la fis sasiezethe endrait le solet.

Ou'l avait mins s'en tout nen, tout neu chapé,
Et ou ne voulait pas sus toute choses le gâté,
Ou l'ouvri s'en grand parapuis de soie,
Mais les gens drîyierèthe yi ne pouvais pas vais.

Les euns disais "shut your gingan old Lady
Or we shall treat you as old Aunt Sally"
Quand, pouf ne v'la de vielle fieurs èmortie
Qui tape et tape sus s'en bouan parapuie.

Ou'l eut a l'freumé, mais dame s'en chapé
Chest ly le pouore chapé qu'en eut a suporté
Y tet tout cossi et tout teur et chifonnet
Ou d'zithe davé meins s'en bonnette a collet.

Ou ne criait pas en sortant de sies yi,
Que s'en bouan chapé ethait tet si trebuchi;
J'amais n'avait yieu eun si grand ergret,
Comme davé yieu s'en bouan chapé ruinait.

Ou s'en r'vins dans la carosse d'un vaizin,
Avec s'en pouore tcheur rompu de chagrin;
Ou n'avait pas prins d'avis si tet mins sus l'tichiet
Qui fallait que ou fusse assise endrait le solèt.

Car si ou l'avait veut ou niethait vraiment pas tet.
Pour perdre sa complection et s'en chapé ruinait,
Et sa bouanne robe est toute pâle et changie,
Y sont ruinais, robe, chapé et parapuie.

Ma tante veux'tu prendre eun bouan avis,
Fait part est pauvres de tes biauex habits,
Et n' atend pas pour la préchaine bataille de fieurs,
Pour dèshalé tes belles robes en couleurs.

No comments: