Les Promesses d'Homme Mathiet

Né v'chîn l'texte d'aniet d'not' auteu du mais, Livonia:

Here's today's text by our author of the month, Livonia:

Les Promesses d'Homme Mathiet

Les promesses d'un homme Mathiet,
Sont comme la crôate d'un bouan Patait,
Quest bein faites pour être bein dépichie,
Chèst chonna quarivi eun jour avec Joe et Melie.

Comme la saison des patates avé bein péyi
Joe dis eun jour a Mélie comme t'uas bein travaillyi
Je m'en vais te faithe eun biaux gros présent,
Tchique chose de valeur d'or ou d'argent.

Ou, voudrais tu avé ; eun "nice" grand Piano,
N'vla qui nos divertirait au sé eun mio,
Je pouorais joié et chanté pour te diverti,
Tandi que tu ergrais mes habits et soigne le p'tit
Then the music would Play.

Nannin ou dis je'n veux pas d'autre ornements,
J'en av'ons dèja bein assez dans touos les apartements
Chaque je voudrais sait eun "Motor" pour me porté
Et que je pouorais souvent sorti sans te badré.

Joe ne dis pas grand chose mais y pensi
Eun " Motor" mais chenna couote bein trop chi
Et pis ou sait trejous a s'proumné et se diverti
Et me restait a r'grais mes hardes et soigni le p'tit.

Si j'acate eun "Motor" ne v'la qui me ruinetha
Et ma piante de tomate tchez qui me la paitha
Je voudrais en faithe l'Anaie tchi vein,
Car dans mes terres, ils y viendrais bein.

Y s'en alli en ville chu mème jour la
Pour faithe comme y dis s'en magnifique achat,
Y s'en alli tout drait, vais "Miss A" sies d'Gruchy
Pour vais si par chance y'avait chique chose de reduit.

Et quand y r'vins siès li avec s'en p'tit patchet
Y dansait et chantait coumme eun critchet.
Là, y dis à Melie, n'en v'la pour tout l'hivé
Ne v'la tout le présent que je peu te donné
Tchet eun motor "veil"
Then the music did play.

Santait de vier homme,
Biaux temps d'hivé.
Prommesses de gentilhomme
Sont trais choses qui ne faut pas se fié.