Sunday 3 May 2015

L'Almanach de la Vielle Chronique

Né v'chîn l'texte d'aniet d'not' auteu du mais, Livonia:

Here's today's text by our author of the month, Livonia:

L'Almanach de la Vielle Chronique
Nos v'la eunne fais d'pus arriveai
A la fein d'eunne aôtre aenéaie.
Y vos faout eun nouviau Almanach.
Dêpaischoue vite à faithe vot' achat
Où y'en éthaies iun grand et magnifique,
Au bureau d'la Vielle Chronique.

Y l'ont fait extra grand chute fais,
Yia un tas de chose à yièthe dans tuos les mais,
Nou za l'adresse de ses vaizeins,
De ses pathens et d'sez ammeins
En eun mot chést eun livre manifique
Que l'Almanach d'la Vielle Chronique.

Y vos dit comme la mathéai fait,
Les siens qui veulent allé au vret
Et pis pour allé au paîsson,
Chest la! q'nou trouve l'Almanach bon,
Je vos dit qu'ch'est une vraic relique,
Que l'Almanach d'la Vielle Chronique,

Yia étout un tas d'histoithe,
Si ou voulais rithe y faut les yiéthe,
Yien a pour touos les goûts en gerriais,
Yien a étout en bouan français,
Né perdaies pas d'temps, acatteais la vite,
L'Almanach d'la Vielle Chronique.

Je n'en dithait pas d'aoutre car l'heuthe s'avanche
Mais la preuve du podein est quand n'oul mange
Pour un p'tit douze sou où l'ethaies,
Et y vos s'ça utile toute l'anneaie,
Criyis mé acatteais lé tout'suite,
L'Almanach d'la Vieille Chronique.

No comments: