Le Jour Mémorable

Né v'chîn l'texte d'aniet d'not' auteu du mais, Livonia:

Here's today's text by our author of the month, Livonia:

Le Jour Mémorable

Le jour que l'ofici du Connétabyie se mathyi
T'chet le preumi d'Octobre par un Maiscredi,
Y se l'vi d'bouanne heuthe pour vais le temps
Mais vraiment y n'tet pon encouothageant.

Y faisait du vent et raide de pyie,
Et li qui fallait qui meinse ses bouans habits,
Y pensi et réflechit tchit faithe de chu temps là
Si faut prendre un parapuie v'la qui nos enbêta.

Mais il avet beiaux pensé et refléchit
Le temps continue continue et continuit,
Ch'tait à d'gieux heuethes et demie précise
Qui fallait qui furent touts à l'Egyize.

Y s'dêpêchit ben vite de prendre s'en déjeuné
De netti ses bouannes bottes et de breingi s'en chapé,
Y ramassi étout s'n habit tout né
Car y ne voulait pas étre en gris pour sé mathié.

Y pensait peut être que le temps s'erkiergithait
Mais à la piéche d'amendé y l'enpiéthait,
Enfein fallait s'en allé n'importe le temps qui fisse
Car y fallait qui fusse le preumi à l'Egyize,

J'allit vais les neuches mais pathaisait-y ben!
Y tait tout en nièr drap et t'net ses gants à sa main,
Il avait des bottes couleur de gorge de pigion
Nou viyiait ben que tchet du bé et du bon.

Yiavait deueux "Brides Maids " qu'étais ben arrangies
Ils avez des robes d'une belle couleur de gris
Et des chapiaux qui lus faisaient si ben
Et pis un biaux boutchet de fieurs à la main.

Yiavait des pathents des deuex côtées
J'entends parmi les siens qui tais invités
Mais y n'faut pas que j'oublie l'importants
La jeune mathiée habilyie toute en bians.

Yiavait étout deueux p'tites filles de la même hauteur
Qu'avais vraiment l'air de p'tits enfants de choeur,
Y lis t'nais sa robe ch'tait comme eunne vraie reine
Vraiment je peux vos dithe que ch'tait eunne belle scêne.

Y'iavait quatre carosses et du riban est foiêts
Tout chonna met y un garçon a des frais,
S'en va ti yien quoutai pour chut mathiage là
Mais y peut ben payi n'ia pas dangi d'chonna.

Y prindre le baté pour France l'arleveai
Ils allidre faithe eunne "nice" petite touennaie,
Y n'faut pas se fié sus les souyiez des morts
Mais y sca ben riche quand un pathen sca hors.

J'avais oubliait pour vos dithe pour le riz
J'ein pumes pas en envié q'une toute petite poignie,
La fille qu'avait la poutchie la prin du "wrong" but
Et presque tout sen riz fut perdu.