Thursday 14 May 2015

Le grand de siès nous

Né v'chîn l'texte d'aniet d'not' auteu du mais, Livonia:

Here's today's text by our author of the month, Livonia:

Le grand de siès nous
Le grand de siès nous, l'ainait, est ervenu,
Par tous les vaizeins il a tet le beinvenu ;
Car, hélas! nou l'avait-y mantchi
Depis le fatal jour, le jour qui s'en alli,
Le grand de siès nous.

Y r'veins le Dimanche à l'heuthe du r'pas,
Non pensait en li, mais n'ou n'latandait pas;
Y nos surpreins tous, comme ou pouvais l'penset
Quand n'ou vi chu grand objet là entré -
Et tchet le grand de siès nous.

Quand y s'en alli, n'ou l'applait le p'tit,
Acheteu il a siès pids tchiqu' pouces et demi
Ches pourtchi crious que n'ou peut s'trompé,
En l' ap'lant et n'ou l'appelle du matin au se,
Le grand de siès nous.

Il a tant d'scènes et d'histouaithes à nos dithe,
Que n'ou zen est malade d'en rithe ;
Il a veu tant d'choses qui veur nos les raconté,
Que y nos engnie pas acheteuthe au sé,
Avec le grand de siès nous.

Il est ervenu diversement acti et aufait'
Y boulange, fait pain, gâche et pâtait ;
Y fait de la gâche avec du suchre d'sus,
Jamais pâtichi ne la f'tha dabon mus,
Que le grand de siès nous.

Y peut étout trimé et ergrais des chapiaux,
Ches pas pasque ches li, mais il en fait de biaux;
Je vos asseuthe ben que j'sommes bein aise de l'ravé,
Si je pouvons le garde je ne laissesons pas s'en rallé,
Le grand de siès nous

Y innamel etout et sode des cannes à lait,
Y les met belles et feines, y r'lise comme le solait
Il est bein aufait, nia pas à s'y trompé,
Mais ch'nais pas à mé de voulé le vanté,
Le grand de siès nous

Il est si fo et en peine de touos les animeaux,
Des cats, des tchans, des vaques, et des ch'vaux
Il aimethait mus ne pas mangi, vaithe, s'en passé,
Que de vais les pouores bêtes à quatre pattes enhanné.
Ches là le grand de siès nous.

Mais je ne crai pas que j'léthons bein longtemps,
Car yia tant d'hardelles qui veulent un galant
J'en avons souvent, bein souvent, à nos vais,
Le sien qui va les r'condithe après le thée,
Ches le grand de siès nous.

No comments: