Sunday 19 April 2015

Le matin

Né v'chîn l'texte d'aniet d'not' auteu du mais, Ph'lippe Langliais:

Here's today's text by our author of the month, Philippe Langlois:

Le matin
Le coup d'cannon veint de tirer
Les coqs s'mettent à se rêpondre,
Les ouaisiaux cmenchent à chanter
Bein que tout paraisse ocouo sombre.

I' faut s'en aller vite au prè
Pour donner une terrèe es bêtes;
Aupres aver passè la gnièt
A mangir sans doute i'sont prêtes.

Le solèi êpié par sus l'mont,
Comme est qu'i rlît sus la rousèe;
Nou vait les airangnies sus l'fond
Ch'est singne d'un' belle journèe

La fumèe qui drait monte en haut
Montre que l'dêjeuner s'apprête;
Nouz aime à trouver de qui caud
Et que nou faiche etou la fête.

Les poules ne font que gratter.
Les quétots gronnent pour lus baire,
Les viaux de jouaie sont à giber
Et les filles rveinnent de traire.

L's ains sortent dêja pour du mi
Il y en a tout pllein sus les fieilles
Les bibets ne font qu'voltilli
Nou ne vait pas un nuage au cieill.

I'fait un divers biau solèi
La rousèe sera bétôt l'vèe
Je sauv'rons tout not fain engniè
Si chonna tqient toute la journèe.

No comments: