Pensées découosues

Né v'chîn l'texte d'aniet d'not' auteu du mais, Ph'lippe Langliais:

Here's today's text by our author of the month, Philippe Langlois:

Pensées découosues

Y-a-ti' rein d'pus be que la lune?
De pus rlisant que le soléi?
D'pis inconstant que la fortune?
De pus chrêtien qu'la charitè?
Ch'est en vain que je cherche et sonde,
J'ai biau me tormenter l'esprit,
Je ne dêcouvre rein au monde
De milleu que chein qu'est êcrit.

Il est avis à vielle vaque
Que jamais jeane ne mauquit:
Le bonheur dans une baraque
De la grandeur peut se moquir.
Le chein qu'est de grande promesse
Mais de petit accomplliss'ment
R'semblle au prêtre qui dit la messe,
Au chein qui manque à sen serment.

Si tout le monde était honnête
I' n'serait pas besoin de cllèfs,
Et s'il était touos les jours fête
Nouz en serait bétôt engnès.
L'orgui, dit-nou va dvant la ruine,
Le sur est à côtè du doux;
La contrarieté nouos chagrine,
L'amour trop souvent rend jaloux.