1913: How the Pains Secured a Bargain in Butter

How the Pains Secured a Bargain in Butter

Tchès qui s'en vint au Show? que j'dis a nos gens, Jeudi passé, après dèjeuné - eunne om'lette d'oeus d'France ov des chives minchies m'nu et un morcé d'saumon qu'Laizé avait acaté bouan-marchi, la séthée de d'vant, viyant qu'il 'tait un mio rouètre - Tchès qui s'en vint au Show d'Bêtes?

Toutes les deux 'taient d'avis de v'nin vaie cheunna. Laizé pour poué èschangi tchiq' patholles a ses counnaissances des hautes paraisses; Lonore pour lus montré san neu chapé et vaie si y'éthait d'pus belles pleummes que les siennes.

Mais che n'fut qu'après dîné que j'nos montrîmes. N'y'a rin a vaie dans la matinée touos les fils d'fermi sont si otchupés a faithe r'lizé les cones de lus vaques, qui n'sé dèstouonne pon pour vaie passé la pus belle fille du Show.

1957: Les patates et l's'Etats - Potatoes and the States

En 1957 Ph'lip et Merrienne distchutîtent combein payi pouor l'dêfouissage dé patates et pouor les membres d's Êtats:

In 1957 Ph'lip and Merrienne discussed how much to pay for digging potatoes and States Members:

Les patates et l's'Etats

L'Opinion d'la Merrienne

Moussieu l'Editeu,

Quand j'entendit, l'autre jour, que ch't'année y faudra péyi onze louis pour le dêfouissage d'une vrégie d'patates, je m'dis à mé-même que nos fermiers ne pouôrraient jamais éspethé une bouonne saison.

"Ch'est pûs qu'l'industrie peut supporté," j'dis à la Merrienne, tch'y tait otchupée à êcalé le restant d'nos pais. "Quand nou veint à pensé que dans l'temps d'man péthe un bouon Breton vos dêfouissait ses vingt à vingt-chinq pérques par jour, au taux, à tout faithe, d'un louis ou un mio pûs pour un vrégie."

"Chonna, man Ph'lip," ou dit, en méttant un autre choutchét sus l'feu, "ch'tait dans les bouons viers temps que je ne r'vêrrons pas. Ach'teu, à la fin d'la saison, ch'est l'ouvrilyi tch'y met des sous à la banque, et non pas san maître, tch'a yeu tout l'couôtage et toutes les anxiêtés. Heutheusement j'n'en avons pas un grand bétchet ichin, et j'avons d'bouons êfants tch'y veinnent tréjous à notre aide quand y'a besoin. Epis y n'faut pas oublié qu'au jour d'agniet hardi d'nos férmiers ont d'chais machines à dêfoui.

Here's how they're keeping French alive in Louisiana

This episode of The World in Words we take a trip down to the bayous to explore the language, culture, and music of French-speaking Louisiana.

If you ever find yourself driving through swampy southwest Louisiana some morning, tune your dial to KVPI 1050AM and enter a world that’s part English, part French and all Louisiana.

“Bonjour! Qui c’est qui parle?” says Jim Soileau, the host of morning call-in show, La Tasse de Café.

Lé travas

Né v'chîn la poésie d'aniet, tch'appathaît ichîn pouor la preunmié fais, d'not' auteu du mais, Geraint Jennings:

Here's today's previously unpublished poem by our author of the month, Geraint Jennings:

Lé travas

La pliant'tie des patates, l'avoût des g'zettes;
un solé d'gliaichon lit sus not' travas;
la plyie a tchée sus nous des s'maines dé siette,
mais j'sommes acouo à chinner ichîn-bas.

J'nos mâtons contre lé jour tchi nos enfache
châque matîn - qué j'séyons heûthis ou tards -
et châque jour f'tha sa course sans qu'nou la sache;
s'i' y'a tchique trébule, j'dévthons faithe un var.

Au Festival Sertchais dé Folk 2015

Portraits: At the Sark Folk Festival - Au Festival Sertchais dé Folk 2015

Quand Ph'lip plieuthit

Quand Ph'lip plieuthit

à Portinfé, Saint Ou.
Jeudi au sé.

Moussieu l'Editeu,

Comme dé couôtume, je qu'menche agniet avec le temps. Ichin y'a bieau solé dans l'jour, et une fraid nèthe la niet. Les jours r'allouognent, mais la têrre est si g'lée que, sinon dans es p'tits côtils ichin et là, nou n'peut pas s'mettre à plianter et les patates restent dans les câsses. I' n'y a pas de tchestchion de plianter dans les clios. Dans ma bordeuse y'a tchiques signes de vie, car y'a des taupes, des vers et des limaches, sans pâsler des colinmachons! Quant ès patates, nou n'en vait rein, et nou n'peut que vivre en espéthance, sachant que l'temps fraid que j'avons yeu à ch'teu' dépis Noué n'peut pas nos pliaindre trop, car dans la maison j'pouvons nos garder caud, et la mangeaille ne manque pas. Touos les jours je m'attends que j'éthais tchiquechose de miyeu à vos raconter, mais jusqu'ichin ch'est tréjous la même histouaithe. Ch'n'est pas d'ma faute, car ch'n'est pas mé tchi gouverne le temps, et ch'est p't'être aussi bein, car j'mé trouv'thais bein vite en embarras. quand les tchultivateurs voudraient d'la mouolliétuthe, les visiteurs, les jeunes couplyes, tchi voudraient lûs prom'ner dans les ruettes, et bein d'autres, voudraient du temps sec. Vèthe, Moussieu, j'si content de n'aver rein à y faithe.

Chansons et traditions orales du Cotentin

La Loure annonche:

Depuis deux ans, La Loure a posé ses bagages dans le Cotentin, à travers l’opération Cotentin - Mémoire en chansons, pour recueillir les souvenirs fragiles des traditions chantées auprès des personnes qui en sont encore dépositaires.

Cet ouvrage vient rendre compte de cette fructueuse collecte. Accompagné d’un CD de 74 minutes, il lève le voile sur ces remarquables répertoires issus de la tradition orale : chansons drôles ou tristes, formulettes de l’enfance ou refrains d’adultes, elles s’offrent ici à nos oreilles dans leur diversité. Ces chansons ont passé les siècles jusqu’à nous, elles n’en sont pas moins d’une étonnante jeunesse... Alors, à vous de chanter maintenant !

D'l'èrtûnfîn d'Valentîn

Né v'chîn la poésie d'aniet, tch'appathaît ichîn pouor la preunmié fais, d'not' auteu du mais, Geraint Jennings:

Here's today's previously unpublished poem by our author of the month, Geraint Jennings:

D'l'èrtûnfîn d'Valentîn

D'la vinnaigrette auve eune bouonne dgiêxaine d'hîtres,
deux cocktails, eune boutilyie d'vîn,
du catchet êcalé pouor qué j'achître
deux lèvres à la Saint Valentîn.

Les chandelles trélûthent sus la tabl'ye heunée
et châque assiettée r'sent l'brûlîn;
l'ieau à la bouoche veint en sablion à sé,
êchoué à la Saint Valentîn.

Badlabecques au Festival Sèrtchais dé Folk - Sark Folk Festival 2015

Lé Rapinneux - Badlabecques

Festival Sèrtchais dé Folk - Sark Folk Festival 2015

Posted by L'Office Du Jèrriais on Sunday, 5 July 2015

Lé Rapinneux
Festival Sèrtchais dé Folk - Sark Folk Festival 2015

À l'entou d'la plianète Tchoeu

Né v'chîn la poésie d'aniet, tch'appathaît ichîn pouor la preunmié fais, d'not' auteu du mais, Geraint Jennings:

Here's today's previously unpublished poem by our author of the month, Geraint Jennings:

À l'entou d'la plianète Tchoeu

J'lanch'chai eune fîsée à la plianète Tchoeu
tch'est en orbite d'amour à l'entou d'té;
tu viage toute l'année lé travèrs des cieux
et mé j'sis happé par ta gravité.

La plianète Tchoeu touônne douochement sus s'n êsseu;
un bord ensolilyi par tan souôri,
l'aut' bord est hors la vaie dans la nièrcheu,
ch'est pesta d'leune à l'ombre d'ta sgornéthie.

Sonnet 1 dé Shakespeare

Né v'chîn la poésie d'aniet, tch'appathaît ichîn pouor la preunmié fais, d'not' auteu du mais, Geraint Jennings:

Here's today's previously unpublished poem by our author of the month, Geraint Jennings:

Sonnet 1 dé Shakespeare

Les pus belles criatuthes dévthaient lus r'faithe
pouor faithe la flieur dé lus bieauté r'flieuthi;
quand l'èrtûnfîn d'san frit n's'sa qu'eune mémouaithe
au but d'tout, j'vèrrêmes meûthi s'n héthitchi.
Mais té, dans tes propres ièrs à t'marmoûth'ler,
tu t'êcliaithe atout raîque lé feu d'ta chai,
en t'dêpensant au run d'rêcompenser
lé monde auve chutte belle èrfaîs'sie qu'tu dai.
Té, tch'es la janne bieauté du monde entchi,
tch'annonch'chas, à tan tout seu, l'Èrnouvé,
doux médgian, tu t'garde tréjous anichi,
content en cont'nant tout bein boutonné.
Ai pitchi d'nous et n'vielle d'aut' engaûmer
chein qu'tu dévthais au monde mus qu'au tombé.

Quand l'caud solé veint scoltchi par siez mé

Né v'chîn la poésie d'aniet, tch'appathaît ichîn pouor la preunmié fais, d'not' auteu du mais, Geraint Jennings:

Here's today's previously unpublished poem by our author of the month, Geraint Jennings:

Quand l'caud solé veint scoltchi par siez mé
à êpier entre les lattes des vénitiennes,
à paûtrîndgi ma pé auve ses jaunes dés,
ch't affronté voudrait m'chuchoter les dreines:

i' veint contepéter chein qu'nou fait ès grèves;
des hardelles tchi jopîntent en bikinis;
les cheins tchi lus graiethont d'jouaie d'vant qu'i' s'lèvent;
les vaîthîns tchi sont entre-enmouothachis.