Chante Reyne Vechy La Terre

Né v'chîn l'texte d'aniet d'not' auteu du mais, Jean Sullivan:

Here's today's text by our author of the month, Jean Sullivan:

“Chante Reyne Vechy La Terre.”

Doulche Reyne des Cioeux tu me fais vais la terre,
R'chait dans mes chants, mes voeux, men ardente prière!
Tan pouvé, grand, divin a'tai man prostecteu!
Oh! je te dai la vie Ange consolateu!
Vait mé z-à tes genoux, humble et erconnaissante
A douoraunt ta grandeur et ta forche piessante
Je sis la monueusment de tan ben doulx amour!
Je t'en remerciesrai z-en chantaunt chascun jour,
Sancta Maria! Ora pronobis.

Oh descends je t'adouore, ma ben Sainte Marie!
Chest à té Sacrai-Coeur, que je devons la vie;
Tuas escoutai nouos voeux – tuas apaizi les fliots,
Et tuas des eslémens des jouai l'z-asfroeux compliots.
Quand j'étions en péri, souos l'camas de l'osrage
Tu m'armis de confianche et d'un ben Saint couorage;
Je suivis tes conseits et j't'adreschi des voeux.
Et je fismes en choeur monter par d'viers les Cioeux,
“Le Pater Noster qui es in Coelis!”

Je mettons l'pid sus l'roc, sus l'dézirai “Chantereine”!
Je le nommons “Vechy,” l'Austel de nouotre Reyne!
La Mère de Jesus. – Oh Majestai des Cioeux
Le bel Ange d'amour qu'à z'exauscai nos voeux
J'Fondons chu temple Saint, pour que tu z-y descende
Prend-le nouot Ang' Saouvoeux je t'en faisons l'offrande
Chessa le monueusment de tan divin amour!
Je t'y glosriferons à génoux chascun jour.

Souventefais O Dex! de ma noble Patrie!
Je veindai t'invoquir sus la terre chérie!
Sus l'rocquir oué je mins la pliante de man pid,
En sortant d'la galèr' sus qui qui j'fus en péri.
L'Abbaye que j'bastis restera-z en mémouaire
De nouot Sancta Maria, monueusment à sa gloiëre,
J'y vaindrai touos les ans au jor ben solennel
Offrir des actions d'grâc' d'nouot sauv'tag' par le Ciel!

Té maistre du baté, quain ne v'là z'ume obole.
Marie et tan savé, tuen créras ma parole,
M'avais sauvai' d'la mort.... tuen parais tout joyeulx,
Tu as l'air triomphateur, je le vai dans tes yeulx,
Tu m'as codite au port, sus la terre bénie
Je m'ersouvaindrai d'té touos les jors de ma vie;
Pilote tu seras de Matilde la Reine!
Protegi tu seras d'la Vierge Souveraine!

Condis mé z-en Gerry je veux vais l'Abbayie
De chu bouan Saint Helï, qu'un normand yia bastie.
Preare ta galère et nos condis au port
Le Ciel nouos proteg'ga, j'avons tout san support.
En attendant prions, r'mercions la providenche
De nouos avé sausvais, et aiyions confianche
En la Reine des cioeux, en la vierge d'amour!
Ou nos protégera z-à tout heure à chacq' jour.