Robert Wace

Né v'chîn l'texte d'aniet d'not' auteu du mais, Jean Sullivan:

Here's today's text by our author of the month, Jean Sullivan:

Robert Wace,

Le Trouvère Gerriais du XIIe siècle,

Clerc de Caen et Chanoine de Bayeux.

Escoutais un ammin, un vrai compatriote,
Un Gerriais d'la viel' rocque, un ammin d'san paiis,
Et de san vier patois; i veux en patriote,
Vos donner un conseit, escoutais-le m'sammins.
En un mil chent seixante, un rimoeux de nouotre Ile
Escrivait et chantait en vrai z-et pur Gerriais,
Chut esfant de Gerry, z-était un vrai Virgile,
I chantait nos guerrier en nouot bouan vier patois;
“Robert Wace” est san nom; il est en Normandie
Révérai comme un Saint, et san paiis nata,
Au lieu d'en être fi, ma parole i l'oublie,
Et n'l'yia jammais esl'vai z-un point monumenta.
Nos vaisins sus la couoste ont tréjours en mémouaire
Nouot vier Rimoeux Normand, Canoine de Bayeux,
Prestre et grand clierc de Caen, i s'en font une glouëre!
Glouëre, oh glouëre Gerriais, chest iun de vos aieux.
Gerry perdra sa langue et la langue française,
Et i perdra z-ovec sa nationnalitai.
Oh de grâces sauvons nouotre langue Gerriaise,
Car chest un vier paslin dign' d'être respectai.
Disons à nos esfants qu'il est bain vénérable,
Accouostumons les dan à l'entendre tréjours.
Sou ne le d'visiez pas, j'essais bain minsérable
Ah ertenais le bain et l'paslais touos les jours.