Here's today's text by our author of the month, Elie:
Nos lecteurs!!
I'y'a à peu près 52,000 habitants en Jerry, tout comprins - Le Récensement
L'Evening Post de Lundi - ou' rouogissait de l'dithe -
Garantissait qu'chaque jour au mins trente-chinq mille gens
Le lièsent de page en page, quand ils ont bu lus thée;
Mais des noms d'tout chu monde ou' nos laisse ignouothants.
L'Morning News à san tou' - criyiz-le s'ou' voulez -
Disait, hier au matin, pâle de rage et d'envie,
Que ses lecteurs à li (en gros nièrs caractèthes)
Arrivaient jusqu'au chiffre de chinquante mille et d'mie!
Pas chinquante mille - r'mertchiz - et la maintchi d'un mille,
Mais chinquante mille lecteurs et la maintchi d'un autre
I' n'osaient pas l'appeler un lecteur tout entchi
- Il est acouo un long, chu pouorre petit apôtre!
Mais nous, à la Nouvelle, je n'disons pas d'menn'ties, -
Du mains, quand j'pouvons mus. Et dans chu cas ichin
Je n'pâlons pas des siens qui dévorent les gazettes
En mangeant d'la bouoill'yie - car lus dents sont à v'nin...!
Libre ès deux autres gazettes de r'cruter lus lecteurs
Jusque parmi l's'avièrs qu'ont occouo lus chuchos
Et siez l'Docteu' Labey et même dans Glos'ter Street!
- Nous, j'avons des lecteurs en masse ès Ecrehos!!
Pour trouver tant d'lecteurs i' faut qui comptent partout,
Et qu'châque gâzette s'sait lue par djex-sept, p'tits ou grands,
Enfin, grand'bein lus faiche! je n'soummes pas des jaloux
Et lus chents mille lecteurs? Bah! Ch'est là nos restants!
Elie
18/12/1912
No comments:
Post a Comment