Eune Pouch'tee d'Poésies

J'avons l'honneu d'vos înviter à la lanch'chie d'not' nouvieau livre dé poésies pouor les jannes gens à La Société Jersiaise, Lundi l'9 d'Juîn 2014, à 6 heuthes du sé.
"Eune Pouch'tée d'Poésies" s'sa publiée à £4 et y'étha eune liéthie d'poésies auve des rafraîchissements.

J'espéthons vos vaie ilà.

RSVP à L'Office du Jèrriais (info@jerriais.org.je ou tél 449291) d'vant lé 6 d'Juîn

1977: Les Mielles

George d'La Forge s'en d'mentit des Mielles en 1977:

George F. Le Feuvre took on the issue of Les Mielles in 1977:

Les Mielles

Man Doue d'la vie! Tchi train entouôrre Les Mielles, qué l's Angliais appellent La Baie d'St. Ouën. Comme j'vouos l'dîsais la s'maine pâssé, j'veins d'liéthe les gâzettes des deux dreins mais et y'en a hardi d'pâler, d'ches fanmeuses Mielles. A c'menchi, chein tchi m'frappe, sans doute, est tch'i' faut qu'nouos grosses têtes âgent payi sept ou huit mille louis à d's Angliais d'Angliétèrre pour lus dithe tchi faithe, quand autchun vièr Jèrriais d'St. Ouën peut lus dithe tchi en faithe pour rein! Ch'est d'tchitter à en faithe un dépôt pour les d'chets et la saleté d'l'Île, empêchi toute bâtithie tchelconque, empêchi la galopsie dé j'vaux à Dgi l'adèrt viyant qué v'la tchi dêtruit l'hèrbe et les flieurs sauvages tch'embellissent la contrée.

La Fête Nouormande 2014

La Fête Nouormande 2014 - events open to the public

(during the week) book display; Norman Market at Weighbridge

• Monday 9 June Launch of poetry reader for children "Eune pouch'tee d'poesies" with readings (à La Société Jersiaise 6pm)
• Tuesday 10 June Doque - traditional Jersey throwing game (at pétanque pitch in Parade Gardens) - 6pm; followed by a meal in a Town restaurant (those wishing to come along to the meal, please provide names to L'Office du Jèrriais)
• Wednesday 11 June Walkabout Town quiz - meet in Royal Square 6pm and walk around to find the answers on the quiz sheet - answers to be checked in pub later
• Thursday 12 June Visit to La Robeline distillery and cider production 7pm (free, but space limited: those wishing to come along, please provide names to L'Office du Jèrriais)
• Friday 13 June Queen's Birthday at Government House - costumed participants (6pm); meal for Fête participants at All Saints Church Hall: 8pm - limited tickets available for sale

Saturday 14 June - morning

9.30-11: free programme of dancing, music, poetry and prose in the Town Hall

11.15: Town Parade (leaving Town Hall heading to Weighbridge) - costumes and flags


Saturday 14 June - afternoon:

6pm Meal for participants (All Saints) - limited tickets available for sale

Saturday 14 June - evening:

8pm-9.30 free concert by Badlabecques - toe-tapping songs traditional and otherwise, and some dancing to familiar tunes with a Badlabecques twist and shout

Sunday 15 June

10h free Town centre guided historical/cultural tour starting from the Town Hall:

11h30 Service in Jèrriais in the Chapel of the Hospital

1h Meal for participants (All Saints) - limited tickets available for sale

3pm-4.30pm free informal programme of dancing, music, poetry and prose in the Town Hall

Des langues et des noes - Titbits

Nou-s'a ouï: "...j'm'en vai lî fouotre un trait..."

• fouotre un trait = fire a shot
• tither un trait = fire a shot

Something heard: "...I'll shoot it/I'll fire at it..."

• fouotre eune pièrre = chuck a stone

Des langues et des noes - Titbits

Nou-s'a ouï à matîn: "Nou s'mit ses chendres à la volée sus les falaises."

Heard this morning: "His ashes were scattered on the cliffs."

1954: La Baie d'Saint Ou (2)

L'adgèvement d'l'articl'ye:

The concluding part of the article:

(siette et fîn)

"N'te fait pas d'bile," j'l'y dit. "Le projet est abandonné et ach'teu la seule tchéstchon est si chais villais pouôrront v'nin bâti des bungalows le long d'la mé, ouèsque y veindraient pâssé lûs Dîmanche en été."

"Eh bein, tch'y bâtissent," ou s'fit, "et j'espèthe que tchique jour y veindra une mathée tch'enfonç'ça tout. J'ai ouï dithe que y'a des chents ans y vint une tempête tchi poussit la mé jusqu'ès Bianches Banques et l'Mont Rossigno. Nou pouôrrait ocquo vais chonna, sinon y faut éspethé que ch'ne s'sa pas dans la saison des patates.

1954: La Baie d'Saint Ou (1)

Auprès la dgèrre nou proposit d'êcalopper la baie d'Saint Ouën (ou la Baie d'Saint Ou) et d'y bâti eune ville. Ph'lippe et Merrienne 'taient contre. Ch't' articl'ye pathut dans Les Chroniques de Jersey l'27/3/1954 - n'en v'chîn lé c'menchement:

There was a post-War project to build up Saint Ouen's Bay with urban development. Edward Le Brocq's two Saint Ouennais characters were opposed, as shown in the first part of an article from March 1954:

La Baie d'Saint-Ou

La Merrienne est bein intérêssie dans chein tchi s'pâsse dans l's'Etats au sujet d'la Baie d'Saint-Ou. chaque jour ch'est la même histouaithe, et quand je n's'y pas là ou va siez tchique vaisin pour savé tchèqu'il en pense.

Quand à mé, j'm'en fiche bein, car chais jours j'n'y vais pas souvent à la Baie, et chais mêssieux d'la Ville tch'y sont si intérêssis m'font rithe. sûs chu point-là je s'y d'l'avis d'la Merrienne tch'y f'thaient bein mûs d'taithe lûs béque et d'lûs mêlé d'lûs affaithes.

Comme ou s'fait: "A qu'menchi ch'est à nous Saint-Ouennais qu'oulle appartcheint, la Baie. Il est vrai qu'y'en a un mio dans Saint-Piêrre et un morcé dans Saint-Brelade, mais ou n'est pas app'lée la Baie d'Saint-Ou pour rain, et ch'est à nous de décidé si y'étha des maisons d'bâties là ou non."

"Bon," j'l'y dit, "mais en approuve-tu d'avé des bâtisses tout l'long d'la Baie?"

"Mais cèrtainement, nânin, j'n'en approuve pas. Y'en a dêjà bein trop, et la piupart n'sont pas d's'ornements. Si j'pouvais, j'abbat'rais tout."

"A chu compte-la," j'ly dis, "tu vot'tais pas pour l'idée de bâti une ville à l'Eta?"

"Crais-tu que j's'y folle?" ou dit. "Une ville à l'Eta. Honnêtement, Ph'lip, j'qu'menche à craithe que y'a des Comités tch'y dév'thaient être à l'Asile. Un biau site pour une ville, ma fé! Tchèsque-y s'sa la préchaine chose?"

(à siéthe)

La Saint Dunstan - Saint Dunstan's Day

Aniet, ch'est la Saint Dunstan. Connaîss'-ous la légende dé chu saint?

Today is the feast day of Saint Dunstan. Do you know the legend connected with this saint?

Lé fé dé j'va

Lé dgiêx-neuf dé Mai est la Saint Dunstan, et né v'chîn l'explyicâtion dé chutte crianche-là. Avant dé dév'nîn Archêvêque dé Cantorbéry en 959, Dunstan 'tait forgeux dans lé p'tit village dé Mayfield dans l'Sussex en Angliétèrre.

Lé dgiâbl'ye avait mal ès pids en trotinnant 'chîn et là l'travèrs d'l'Angliétèrre à faithe san mauvaîtchi, et en pâssant par Mayfield i' décidit dé s'faithe féther.

Documentary to be made of Jèrriais band

Channel Television rapporte:

Documentary to be made of Jèrriais band

(...) Kit Ashton, lead singer and founder of Badlabecques said: “I’m really pleased someone like Manuela would come all the way over to make a film about us and about Jèrriais. Hopefully it will show that the appeal of Badlabecques is more than just novelty or nostalgia but contributing to a sense of true Jersey cultural identity. (...)

"I decided to come to Jersey and make a film about music, about Jèrriais..."

Dans la bliogu'thie dé d'vant, nou peut vaie Manuela, l'êtudgiante ethnomusicologiste tch'a 'té à vidgi des Jèrriais et faithe des entréveues, auve san quéméreu et ses ouothettes êcout'rêsses. Dans chu vidgo, oulle explyique chein qu'oulle a 'té à faithe et coumme tchi qu'oulle est v'nue vaie, ouï, r'corder et vidgi du Jèrriais et des Jèrriais.

Manuela, an ethnomusicology student from Colombia, is busy filming and recording and interviewing (you can see her with camera and headphones in a picture in the previous post). We turned the tables on her by getting her on video to explain her interest in Jèrriais.

Au café à matîn - In the coffeeshop this morning

Nou pâle du Jèrriais touos les Jeudis 10h30-11h30 siez Costa Coffee dans les Ruettes à Saint Hélyi. Et à matîn nous-s'a ri à s'en trilyi la gorge.

If you feel like dropping in between 10.30am and 11.30am on Thursdays to the Costa Coffee branch in Bath Street, Saint Helier, you can hear Jèrriais spoken. And this morning lots of laughter was heard.

Long coumme chenna (coumme la triyeûthe dit au Chent'nyi) - As long as that (as the milkmaid said to the Centenier) pic.twitter.com/UN6khQE5df

— L'Office du Jèrriais (@le_jerriais) May 15, 2014

Du café, d'la caqu'téthie et d'la vigu'thie à matîn @CostaCoffee - Coffee, chat and filming this am #jerriais pic.twitter.com/SVneyTfPZV

— L'Office du Jèrriais (@le_jerriais) May 15, 2014

Will music preserve Jèrriais?

Bailiwick Express rapporte:

Jersey's Jèrriais-singing pop-folk band are the subject of a new film being made in the Island.

The documentary about the Badlabecques is being made by Goldsmiths University student Manuela Carrillo - an ethnomusicologist - who is studying how music can safeguard language and cultural heritage. She's aiming to find out whether the band are really helping to keep Jersey's old language alive.

Miss Carrillo comes from Bogota, Colombia and is following the band around the Island as they prepare to record their next album.

When Botch Meant the Opposite of Botch

Slate dêrengl'ye: "When Botch Meant the Opposite of Botch"

How botch became the mot juste for a royal screwup, however, is curious, since "to botch" did not originally mean "to mess up." In fact, it meant the opposite. The word's earliest known citation, with the spelling bocchyn, is in a 14th century translation of the Old Testament's Second Chronicles, which gives an account of the reign of Josiah, who collected money to refurbish the Temple of Solomon.

En Jèrriais, j'avons boûtchîn (ou boûtchage)

Av'-ous d's ahans? - Does it hurt much?

Né v'chîn eune articl'ye dé George d'La Forge dé 1979:
Here's a George F. Le Feuvre article from 1979:

Av'-ous d's ahans?

Quand nou d'veint vièrs nou n'a qu'ahans!" m'disait un vièr anmîn l'aut' sanm'di dans L'Vièr Marchi en ville.

"Bon!", j'lî dis, "en as-tu, d's ahans? J'n'en ai pon, mé, et j'sis pus vyi qu'té."

"Eh bein," i' m'dit, "tu'as tréjous 'té chanceux, té. J'en ai iun dans l'côté. Ma bouannefemme voulait m'faithe aller vaie l'docteu, mais jé n'y'ai pon 'té. J'l'ai faite mé frotter atout d'l'ieau d'vie camphrée. Ch'est un r'miède tch'est bouan pour frotter sus l'front pour lé ma la tête, ou sus l'estonma pour du fraid, ch'est en tchi i' dait êt' bouan pour un ahan dans l'côté étout, et v'là tch'est miyeu marchi qué la méd'cinne ou les boulets des docteurs."

Fête de la Bretagne

Nos anmîns du Pays Gallo annonchent:

Fête de la Bretagne

du 15 au 18 mai

Des animations en gallo partout en Bretagne

le programme : cliquez sur gallo dans la rubrique "Publics"

1966: Dans sept heuthes! - In seven hours!

Eune articl'ye dé George d'La Forge dé 1966:
A 1966 article by George F. Le Feuvre:

Dans sept heuthes!

M'èrvélà en Améthique! Nou-s a d'la peine à rêaliser la vitesse du viage dé nouos jours. Lundi passé j'tais à dîner en Jèrri et à baithe du thée à Stoke Poges pas bein liain d'Londres en Angliétèrre. Mardi j'tais à visiter la neuve Cathédrale dé Coventry. Un drôle dé bâtisse, chutte cathédrale - une vraie exempl'ye d'architectuthe ecclésiastique modèrne comme nou-s en vait un tas au Canada et dans l's Êtats-Unis d'nouos jours. Étant vyi et consèrvateur dé natuthe, j'aime mus les vielles cathédrales gothiques, mais ches jours nou-s est oblyigis d'accepter tout ch'tch'est drôle et êtrange au nom du progrés!

Jeudi matîn j'dêjeunis à Stoke Poges, j'mangis man dîner dans un avion à rêaction trente-trais mille pids dans l'air en d'ssus d'l'Atlantique, et j'bus du thée en Améthique auprès aver viagi un mio pus qu'trais mille milles dans sept heuthes!

Ch'est r'mèrquabl'ye comme nou s'accouôteunme si vite à tout.

Eune êtudgiante d'l'Allemangne - A student from Germany

"I am Swantje, a student from Germany, and I am studying romance linguistics in Frankfurt. Last year in the summer, I spent four weeks here in Jersey and got to know the indigenous language of the island – but unfortunately, not as much as I would have liked. That's why I got curious about it, as I already had studied other Romance (minority) varieties, as for example Catalan or French in North America. So I decided to write my Master's thesis about the linguistic dynamic in the island. During the two weeks here, I got to know lots of nice people who are making a great effort to maintain Jèrriais and to bring it back into wider use. I think it is a very interesting language which is worth having a look at and maybe even learning it. I really hope that the future of Jèrriais will be positive. Thank you very much for having me!"

Assembliée ès Jannes Gens 2014

Châque année des jannes gens des Colléges et d's êcoles s'gondaithes ont eune assembliée dans la Chambre des Êtats, où'est qu'i' prennent les pliaiches des membres êlus pouor des d'bats sus des divèrs propositions.  L'întention est d'lus donner pus d'înformâtion sus la politique.

Tchestchions sans dgèrnissement au Chef Minnistre, lé Sénateu Ian Gorst

Tchestchion:
Lé Chef Minnistre, crai-t-i' qu'nou pouôrrait faithe pus pouor la promotion du Jèrriais?

Chef Minnistre:
J'crai qué l'êffort par l'Êducâtion à l'ensîngni est d'tchi positif – y'a pus d'gens à l'pâler dans l's êcoles. Mes grands-pathents par mathiage soulaient l'pâler mais i' n'sont pus auve nous. Mes pathents par mathiage l'pâlent acouo, mais pas si souvent qué soulaient faithe les grands-pathents, et j'crai qué si j'lus pâlais, i' dîthaient qu'i' y'eut un changement, quand auprès l'Otchupâtion, dans l's êcoles nou dit ès êtudgiants qu'i' n'fallait pon l'pâler mais d'pâler rein qué l'Angliais, et qué l'Angliais s'en allait êt' la langue du conmèrce et la langue dé l'av'nîn, et ch'tait ches décisions-là tchi, à m'n idée, l'ont mînt sus san mouothi. Ouaithe qué ch'sait împortant dé l'ensîngni viyant qué ch'est eune partie d'not' héthitage et d'not tchultuthe, pouor dé mé jé n'peurs pon l'vaie aussi d'l'avant comme ch'tait d'vant l'Otchupâtion.

How the Scandal was Averted

Dans l'drein neunmétho des Nouvelles Chroniques du Don Balleine, y'a un texte "How the Scandal was Averted" (1914) dé Ph'lippe L'Sueux Mouothant. Né v'chîn eune vèrsion en audgo d'l'histouaithe.

The most recent issue of the quarterly Jèrriais magazine contains a Jèrriais story "How the Scandal was Averted" (1914) by Philippe Le Sueur Mourant. Here's the story read as published in the magazine.

Patois used to 'Bamboozle' enemy

Channel Television rapporte:

Channel Islanders found a way to talk openly during the Occupation, even when the enemy were right there.

While in St Peter Port and St Helier patois might have needed a revival, out in the rural parishes, Guernesiais and Jerriais were spoken frequently.

It came as quite a surprise to the occupying soldiers, who know nothing of the language before setting foot in the islands.

Tony Scott-Warren, L'Office du Jèrriais said: “It was a great way to bamboozle the Germans. They didn't understand it, there were the odd exception that we're aware of, but Jerriais and Guernesiais were used in order to say things that they didn't want the Germans to understand.”

Un but d'la Bibl'ye - Bible snippet

La Bouonne Nouvelle s'lon Luc, Chapitre 5, vèrsets 1-11:
The miraculous draught of fishes, from the Gospel according to Luke:

Assa i' s'adonnit que coumme lé monde tchaquenardaient pouor lus appréchi d'li et d'apprendre la pathole du Bouôn Dgieu, i' 'tait au bord d'eune mathe tch'avait nom Génésaret et il êpyit deux batchieaux au bord dé l'ieau, mais les pêtcheurs l's avaient laîssis pouor laver lus drannieaux. Et il embèrtchit dans iun des batchieaux, l'chein à Simon, et lî d'mandit dé l'cârrer un mio d'la tèrre. Un co assis, il ensîngnit l'monde dé d'dans l'baté. Un co sans discours ag'vé, i' dit à Simon, "Va iou qu'l'ieau est avant et hale au drannet pouor eune pêque."

Simon lî rêponnit, "Maît', j'têmes à chinner toute la niet et j'n'avêmes rein pêtchi, mais s'tu l'dis, j'm'en vais haler au drannet."

1985: Occupation Address by Canon Kenneth Preston

Tony the Prof a bliodgi un rapport dé The Pilot en 1985:

"Mercie bein des fais de nous ave invite a chutte celebration": I hope that has said something similar in good Jersey Norman French, the Jersey language.

Bouonne Libéthâtion! - Happy Liberation Day!

• Man Bieau P'tit Jèrri - Beautiful Jersey (Badlabecques mp3)

Y'a un coin d'tèrre qué j'aime, qué j'n'oubliéthai janmais -
Dans mes pensées tréjous preunmyi -
Car jé n'vai rein à compather à ses bieautés
Dans touos mes viages à l'êtrangi.
Jèrri, man paradis, pus belle taque souos l'solé -
Qué j'aime la paix dé chu Jèrri!
L'amour lé veurt, j'ai si envie dé m'en r'aller
Èrvaie man chièr pétit pays.

Man bieau p'tit Jèrri, la reine des îles -
Lieu dé ma naissance, tu m'pâsses bein près du tchoeu;
Ô, tchi doux souv'nîn du bouôn temps qu' j'ai ieu
Quand j'pense à Jèrri, la reine des îles!

Jé connais touos tes charmes; et combein qu' j'en ai joui
Auve eun-é chiéthe anmie, aut' fais!
Quand même qué pouor a ch't heu jé n' sais pon tout près d'lyi,
N' y'a rein qu' Jèrri dans mes pensées.
Et pis, comme tout bouôn Jèrriais, dans l'fond d'man tchoeu
J'ai grand envie dé m'en r'aller
Dans l'île tchi m'a donné tant d'amour et d'bonheu,
Èrvaie ma chiéthe et man siez-mé.

Man bieau p'tit Jèrri, la reine des îles -
Lieu dé ma naissance, tu m'pâsses bein près du tchoeu;
Ô, tchi doux souv'nîn du bouôn temps qu' j'ai ieu
Quand j'pense à Jèrri, la reine des îles!

Où'est qu'est ma p'tite gâche? - Where's my cupcake?

Hièr au sé la Section d'la langue Jèrriaise pratitchit s'n èrcitâtion en tchoeu, travaillit sus les scrits d'pièches dé thiâtre, et jouit eune gamme dans tchi qu'i' 'tait d'mêtchi d'dêcrithe les p'tites gâches.

Yesterday evening the Section met at La Société Jersiaise

Lé Patruus

Pouor rallouongni not' propos mathitînme, né v'chîn eune carte dé Noué dé L'Assembliée d'Jèrriais d'1957 tchi mouontre un portrait d'un navithe Lé Patruus par JR Le Couteur. Auve chenna y'avait deux buts d'poésies.

Un but d'la Bibl'ye - Bible snippet

Dé tchi mathitînme des Saintes Êcrituthes: La Bouonne Nouvelle s'lon Luc, Chapitre 8, vèrsets 22-25.

Something briny and Biblical from the Gospel according to Luke.

I' s'adonnit qu'un jour il embèrtchit dans un baté acanté ses discipl'yes et i' lus dit, "Allons, crouaîsons à l'aut' bord d'chutte mathe." Et i' mîndrent à la vaile et quandi qu'i' vailaient i' s'endormit. Eune tempête dêclianqu'tit sus la mathe et l'baté fut êcliûthé et v'là tchi dangélait. I' lus en fûdrent lé rêvilyi en briyant, "Maît, Maît! J'soummes pouor capsaïzer!" Et i' s'rêvilyit et tanchit l'vent et l'boulais et la tempête tchit et tout s'calmit.

I' lus dit, "Où'est qu'est vot' fouai?"

Ieux, i' 'taient êffrités et êmèrvilyis et lus entré-dîdrent, "Tchi qu'est ch'tî-chîn tchi c'mande même les vents et l'ieau épis i' sont obéissants?"

L'Histouaithe du naûfrage - The story of the shipwreck

Acouo eune articl'ye dé 1947 entouor l'histouaithe du naûfrage du Papa à George d'La Forge et la vail'lie du temps pâssée:

Another article from 1947 about the story of George F. Le Feuvre's grandfather's shipwreck and sailing time past:

Les d'vis du Bouan'homme George

"P'pèe!" Frankie m'dit oprés l'thée hier au sé: "La s'maine passée, tu nouos contis l'histouaithe du naufrage de tan Papa, mais tu n'nouos dis pas sus tch'i' île que san navithe fut êchoué."

"Et bein, man garçon," j'lî rêponnit: "J'me sis d'mandé chutte tchestion-là mé-mème bein des fais. J'crais pas qu'Papa l'savait li-mème, - du mains i' n'nouos l'à jamais dit.

Dictionary addenda

êcran = screen
(r'ssource: George d'La Forge 1982)

hospitalieux = hospitable
(r'ssource: George d'La Forge 1976)

unniforme dé grand' r'veue = dress uniform
(r'ssource: George d'La Forge 1976)

rangie d'montangnes = mountain range
(r'ssource: George d'La Forge 1976)

pithater = to pirate
(r'ssource: George d'La Forge 1947)

Naûfragis! - Shipwrecked! (3)

L'adgèvement d'l'histouaithe:
The conclusion of the story:

(siette et fîn)

Les batieaux n'passaient pas souvent par-là, et Papa criyait tch'il éthait p'têt' à passer l'restant d'sa vie sus ch't' île-là, mais li et l'Captaine et Douard Huelîn fîtent des signieaux d'tchique maniethe, et mafîngre quand ils avaient té-là trais mais, un navithe vit les signieaux et vînt les ramâser et les prînt à bord. I' s'adonnait qu'chu navithe-là s'en v'nait en Jèrri, et i' l'ûtent la chance de r'venîn siez yeux. Le monde sus l'île lus avaient 'té bouans, et bieau tch'ils avaient perdus lus habits i' taient bein r'connaissants d'être en vie.

Charles Le Cornu vêtchut bein longtemps oprès, mais i' n's'en r'allit pas en mé. I' cachit eune Beusse tch'allait en ville pour bein d's années. Papa mouothit en mil neu chent trais. Douard Huelîn d'meuthit à St. Brélade quand i' tchittit la mé, et tait un vièr homme quand i' mouothit.

George d'La Forge

Naûfragis! - Shipwrecked! (2)

L'histouaithe continnue:
The story continues:

(siette)

Quand i' vint un temps Papa pensit qu'la seule maniethe de sauver l'navithe et lus vie en mème temps tait d'coper les mâts. Il en pâlit à Douard Huelîn, tchi tait du mème avis, et Douard décidit d'aller d'mander permission au Captaine, tch'était à prier l'Bouan Dgieu dans sa chambre. Il eut à aller à la chambre à grapîns, - n'y'avait pas mouoyain d'se t'nîn d'but sus l'pont, et i' fut eune volée auve le Captaine. I' pathaît tch'i' n'en tait pas d'avis, mais à la fîn i' dît à Douard: "Et bein, copez-les, vous, les mâts!" Au péthi d'lus vie, Papa et Douard lus mîntent à scier ches mâts-là auve eune scie à deux. Ch'tait pas aisi, auve un baté tchi rouollait dans eune mé comme des montagnes et des louaimes tchi bûchaient sus yeux, mais i' l'en r'pathItent, et eune fais les mâts hors bord, le navithe tait bein pus trantchil.

Chutte niet-là lus pathut si longue tch'i' lus semblyeait qu'lé jour ne veindrait jamais, mais à la fîn du temps le jour de fît, et i' lus trouvîtent sus un rotchi en veue d'terre, et l'y avait seulement deux'trais pids d'ieau. L'y'avait pus d'chent personnes le tou du navithe. Ches personnes-la l's'em'nîtent à terre. Ch'tait eune île tchi tait gentiment grande. Papa et Douard Huelîn allîtent ensemblye dans la maîson d'un homme et sa femme. Ch'tait des maîsons faites auve un maniethe de mortchi tchi tait comme du pité. Ches gens-là vivaient sus des patates et du paisson, et i' pâlaient un drôle de langage que Papa n'connaissait pas. La femme lus prêtit d's'habits et s'tchit les leurs oprés du feu. Ch'tait un feu d'bouais, i' pathaît tch'i' n'avaient jamais veu d'tchèrbon.

L's'hommes de ch't île-là ramasîtent autant d'la cartchaîson d'paisson comme i' pûtent sauver de d'dans l'navithe et l'pithatîtent autant qu'possibl'ye. Les naviguants n'pûtent pas sauver lus coffres ni lus habits. I' n'avaient qu'les habits sus lus dos. Le navithe bûchit en morcieaux dans deux'trais mathées.

(à siéthe)

Dêjeuner du jour pouor la Reine - Bank holiday breakfast

Dêjeuner du jour pouor la Reine... - Bank holiday breakfast #jerriais pic.twitter.com/gb6q4Ro2Mh

— L'Office du Jèrriais (@le_jerriais) May 5, 2014

...des rouôlots au nièr beurre et ès cannebèrges - ... black butter and cranberry rolls #jerriais pic.twitter.com/WuxZsfxEDm

— L'Office du Jèrriais (@le_jerriais) May 5, 2014

Naûfragis! - Shipwrecked! (1)

Lé Show des Batchieaux est en allant en Jèrri et né v'chîn la preunmié partie d'eune histouaithe par George d'La Forge publiée l'15/11/1947:

With the Jersey Boat Show on this weekend, here's the first part of a George F. Le Feuvre tale:

Bein des fais, en vouos pâlant d'man Papa, j'vouos avais dit tch'il avait té naufragi sans l'temps tch'i' navidgeait. J'l'avais ouï en pâler quand j'tais mousse, mais j'mé r'souvenais pas trop bein d'l'histouaithe, - ch'n'est pas êtonnant, var l'y'à quâsi chînquante ans d'pis que j'l'avais ouïe. M'n'onclye Winter de Dgèrnésy, tch'a septante-chînq ans et une fichue bouanne mémouaithe, m'l'a racontit l'aut' jour.

Papa té à Terreneuve. L'y'avait un neu navithe, (eune Brigantine), tchi v'nait d'ête bâti. Les Bourgeais voulaient l'envyier en Jèrri, chèrgi d'paisson, mais n'y'avait pas d'Captaine par les c'mîns a chu moment-là. Enfîn, Charles Le Cornu d'la Villaise, t'chavait té contremaître pour la compagnie dans l'temps, dit ès Bourgeais tch'i' pouvait navidgi l'baté en Jèrri, et i' fut mîns à bord comme Captaine pour le viage.

I' taient chinq à bord. J'me r'souveins pas d'aver ouï touos lus noms, mais j'sais bein qu'y'avait un Douard Huelin, tch'était v'nu d'Nièrmont, et tch'était un vièr amîn à Papa, parmi yeux. Ch'tait li qu'agissait comme contremaître.

Quand ils avaient té quatre ou chînq jours en mé i' vînt eune tempête, et i' faithait un temps péthisablye, le vent heurlait, et la mé tait comme des montagnes. Jamais Papa n'avait veu d'ité temps, et pourtant il avait navidgi pour d's'années. Le vent tait si fort que toutes es velles taient trillies à m'suthe tch'il êprouvaient à les mettres à haut. Ch'là duthit pour deux'trais jours, et l'navithe, tch'avait à couorre dévant l'vent, fut poussé hors de sa course. Eune niet, i' criyaient que l'vent allait molli, mais i' s'mint à venter acouo piéthe que jamais, et Papa et Douard Huelîn, tch'étaient sus l'pont, pensaient qu'le navithe tait en dangi d'couler. I' n'pouvaient pas lî garder l'nez dans l'vent et i' rouollait d'un côté à l'autre comme un bouchon, et chaque fait qu'les louaimes bûchaient par dessus, i' craignaient tch'i' n'sé r'levethait jamais.

(à siéthe)

A Year in London: Man Bieau P'tit Jèrri

A Year in London: Man Bieau P'tit Jèrri: Jersey is a channel island near France ...

We spend our final evening downtown listening to the band Kit is in, Badlabeques.  They are a band of local musicians that sings in the local language of Jerriais.  Kit is doing a similar masters degree as me (MA in Ethnomusicology), he is trying to revitalize the language in Jersey using music and Ethnomusicology. 

En Dgèrnésy - In Guernsey

Lé nouvieau Chef Minnistre dé Dgèrnésy a ses cartes dé vîsite dans les trais langues:
The new Chief Minister of Guernsey has his business cards in the three languages:

Mes neu cartes de visite saon ichin! My new business cards are here! #trilingual @gov.gg pic.twitter.com/oQUkVEUqPD

— Jonathan Le Tocq (@letocq) April 29, 2014

Tchiques bouonnes tâssées d'café - Some good cups of coffee

Nou-s'en a-t-i' caqu'té à matîn siez Costa Coffee dans les Ruettes en Ville! J'avons bein lanchi nos rencontres (châque Jeudi dans les 10h30-11h30) - y'en avait tchi sont v'nus pouor pâler en Jèrriais et pouor en ouï et pouor d'mander des tchestchions: eune bouonne dgiêxaine. À la s'maine tchi veint!

What a lot of chat this morning at Costa Coffee in Bath Street in Town! Our weekly sessions have been well launched (every Thursday morning about 10.30-11.30) - some came to chat in Jèrriais, some came to listen or ask questions: we had a group of just under a dozen. See you next week!

Café et caqu'téthie à Costa #jerriais pic.twitter.com/RN2T88qqsV
— Tony Scott Warren (@tswgb) May 1, 2014