Thursday 8 May 2014

Lé Patruus


Pouor rallouongni not' propos mathitînme, né v'chîn eune carte dé Noué dé L'Assembliée d'Jèrriais d'1957 tchi mouontre un portrait d'un navithe Lé Patruus par JR Le Couteur. Auve chenna y'avait deux buts d'poésies.


Going further with the maritime theme, here's an old Christmas card with a picture and some poetry.

Ecout'...... i' m'sembl'ye entendr' du brit.
Né r'mue pon don...... né ouai-tu pas?
Ha! chutte fais là, bein seux, ch'est li,
J'connais sa vouaix - j'connais san pas -
Couors vite ouvri la porte - chu coup
Ha ch'est bein li! - ch'est bain sa fache!
Et bain, man John...... té v'lè dé r'tou?
Vein, chièr êfant, qué jé t'embrache!......

Bouan vent, l'avons l'cap sus Jèrri,
Y'a partout d'la jouaie au r'tou des Terreneuvièrs;
Quand nou r'verra san vièr chendri
Et qu'nou s'ertrouvtha auve sa femme et ses avièrs­ -
Bouan vent, j'arrive, vai-tu nos mâts
En r'gardant par la f'nêtre du bord d'la mé?
Mé v'chîn, ma femme, ah, tend les bras,
Qué j't'embraiche joue sus joue, et d'même embraiche-mé.

No comments: