Sunday 13 February 2011

Valentîn

Dé touos les jours dé Févri,
Ou pouvez m'en craithe,
Lé chein tchi m'fait l'pus d'pliaîsi,
Lé chein qué j'préféthe,
Est lé quatorze au matîn,
Quand jé vai man Valentîn
En m'en allant traithe,
Oh! gai.
En m'en allant traithe.


Chu jour-là dépis longtemps
L's ouaîsieaux nou mathie;
Pouor mé j'en f'thais bein autant,
J'né s'sai pas mârrie,
Tchique bieau jour un matîn
Auve man galant Valentîn
Si nou mé mathie
Oh! gai.
Si nou mé mathie.


Tchique vielle fil'ye ditha,
Mouon doue, tchi bêtise;
Mais pèrsonne né craitha
Eune itelle sottise;
Fil'ye aime sé et matîn
À trouver sen Valentin
Tchi qu'nou-s'en dise
Oh! gai.
Tchi qu'nou-s'en dise.


P.L.
12/2/1874

No comments: