Lé Nouormannivèrsaithe

Ch'est un Bouon annivèrsaithe à la Nouormandie ch't' année - et l'Conmité d'Tourisme d'la Nouormandie a justément publié l'logo officiel pouor la publyicité. Criy'-ous qu'i' y'a du hèrtchîn! Ch'est en tchi l'slogan officiel est "Happy Birthday Normandie!" Nou peut l'liéthe sus l'site: http://happybirthdaynormandie.com/

Assa, ch'n'est pon ravissant qu'les activistes d'la langue Nouormande ont eune hie contre les grôsses têtes - ch'n'est pon en Nouormand. Épis acouo, ch'n'est pon en Français nitout - et sans doute y'a des puthistes Francophones tchi trouv'thont à r'dithe. Même auprès la Contchête en 1066 lé Duc Dgillaume éthait 'té ravi d'penser qu'auprès des siècl'yes la langue dé célébrâtion d'la Grand' Tèrre s'sait l'Angliais... Honi soit qui mal y pense.

Bein, 911-2011, ch'est onze siècl'yes du Duché, mille chent ans d'la Nouormandie, et si j'voulons un slogan à nous, j'allons dithe qué ch'est not' Nouormannivèrsaithe.

Not' grande rêunnion tchultuthelle s'sa à la Fête Nouormande, la Fête des Rouaisouns, au mais d'Juîn 2011 à Saint Hélyi.

Some controversy has erupted over the recently-launched official logo for the 911-2011 celebrations. Normandy Tourism has managed to surprise both Norman language activists and French language purists with its English language slogan. The logo is freely usable by all though, so you can download a version from the official site and make use of it as you wish.