À la Saint BréladeÀ la Saint Brélade,
nou fait eune bouonne pronm'nade.
Et s'i' fait bé,
nou-s'îtha au Portélet.
À la Saint Valentîn,
y'a du chocolat et des chucrîns
et un touffet d'flieurs
pouor l's amouotheurs.
À la Saint Dâvi,
les g'zettes sont à flieuthi,
v'là tch'est pus bé
qu'du vèrt pouothé.
À la Saint Patrice,
y'a du dro et d'la drisse:
les pids prannent lé vo,
s'nou bait trop.
À la Saint George,
nou rit à s'en trilyi la gorge.
Ch'est d'tchi bouôn
qué d'tuer un dragon.
À la Saint Hélyi,
nou-s'a les pids mouoillis.
I' faut qu'nou-s'n'âge
à l'Hèrmitage.
- Saint Brelade's Day - 19 January
- Saint Valentine's Day - 14 February
- Saint David's Day - 1 March
- Saint Patrick's Day - 17 March
- Saint George's Day - 23 April
- Saint Helier Day - 16 July
No comments:
Post a Comment