Les Trais Générâtions

 Les Trais Générâtions

 

 Charactéthes.

 

 

• Papa                                                                                         Ken Vibert
• Maman                                                                        Beryl de Gruchy
• Hypolite Le Bro'                                                           Colin Le Cornu
• Lisabé Le Bro'                                                              Dulcie Nield
• Maria Le Co'                                                                Margaret de Gruchy
• Lucy                            ) Les esfants Le Bro'                             Doreen de Gruchy
• Philo                            )                                                           Philip Romeril
• Monsieu (Le Photographi)                                            John Le Masurier

 

Scène

 

Dans l'studio siez l'photographi, quand l'ridgeau ouvre.  Monsieu Figurier est à arrangi sa machine à prendre des portrais qu'est couverte avec un mio d'nier v'lous.

 

Il deshalle sa tête d'ensous et ergarde allentou d'l' appartément et arrange sa moustache et s'erdreche.

 

Le. P.                    La, n'v'la tout pres, Mousieu et Madame Pétrofski et lus famille devthons arriver dans mins d'vingt minutes.  Ah! chi chance que j'ai yieu, d'aver des clients comme chounna … (Il entend des vouais à la porte).  Ah! les v'la déja la (chiqu'uns tappe à la porte).  Entrée, entrée mousieu, ou s'etes de bouanne heuthe, j'en …

 

                            (Hypo. L'Bro et sa femme entre suivis par leus deux esfants et tou l'restant d'la famille.  Moussieu P. se gratte la tête en les r'gardants).

 

Le. P.                    Ch'est qu'ou voulais, exchusez mé avous une appointment?

 

                            (Lisabé pousse Hypo rudement).

 

Lisabé                  Dit'li pourchi que sommes ichin Hypolite ou ben as-tu perdu ta langue?  Tu bagoule assez quand tu'es à la maison.

 

Hypo                    Ch'est que voudraimes ben avait not portrait prins tandi qu'Papa et maman sont occouo envie, ils ont yieu l'Bronchitis ben mal l'hiver passé.  (Papa s'marrie un mio).

 

Papa                     A t'hui pasler mou dithai qu'j'allons mouothi auchunne minute, j'pourais ouoco ben t'montré a foui une carre dans l'gardin à pommiers mon vi, tout malin qu'tu'est.

 

Le. P.                    J'ai grand ergret, mais y s'en va fallait vos despeschi, car dans mains d'g'dix minutes j'ai un moussieu et sa famille qui s'en vennent pour aver lus portrait prins, allons à grande vitesse.

 

Papa                     Et ben, ça y'est, j'sis prais mé.

 

                            (Il s'assié dans une chaise).

 

Maria                   La, justement comme d'habitude pépée, à t'fouorrai l'nez yiou qu'tu n'as qu'faithe.

 

Lisabé                  Et pis té Maria, tu n'as pas à qu'faithe de paslé, tu n'es pas une génération.

 

                            (Maria s'marrie).

 

Maria                   J'peux ben m'en aller, si j'sis à la vaie.

 

Maman                 La, la m'esfants, y faut tous s'accorder et j'veurs qu'ou s'etes tous dans l'portrait, Papa et mé, j'pouvons nos assièthent ichin, et si tu veurs Lisabé, j'peux t'net le p'tit sus mé tandi t'arrange Lucy et Philo.

 

                            (Lisabé donne le p'tit a maman et y'aide à s'assièthe aupi d'papa.  Le P. va v'fouorai la tête en'd'sus d'sa bouaite couverte en v'lus).

 

Hypo                    La, ch'est magnifique comme chonna.  Lisabé, tu f'thas mus d'ramasser les deux mousses et lis piachi ichin.  Ils peuvent lus mets à gnors es pis à papa et maman.  J'en sait pas ouest qu'j'allons mets Maria.

 

                            (Maria n'a pas l'air trop contente).

 

Lisabé                  J'pouvons nos mets aupi d'te, Hypo, ieunne de chaque côté drièthe papa et maman.

 

                            (Hypo rit partout la fache).

 

Hypo                    Oh, chi bouonne idée et j'pourrais vos t'ner toute les deux par la taille et vos câtouillyi de temps en temps, ch'est tu'en dit Maria?

 

                            (Maria est furieux).

 

Maria                    Tu peux garder tes grands pattes à té même Hypo le Bro, d'ailleurs tu n'est qu'une manièthe de pouchi d'vent.

 

                            (Le P. est marri et crie haut).

 

Le. P.                    Es-ous betôt finis de toute vot bagoulie, j'vos ait dêjà dit qu'j'sis pressi, Mousieu Pétrofski s'en va arriver auchunne minute et ous s'es ouocco trous ichin, arrangis tout d'un coup vos deux mousses va qui' f'tha comme chonna j'n'ai pas l'temps d'resté à vos escouté.

 

                            (Lisabé va cherchi les deux mousses).

 

Papa                     Je s'ai ben ravi si ches deux aviers la n'ont pas une colique dans la niet.  Ils n'ont fait rein d'aute qu'd' gruchi des pommes et des suchrins dépis que sommes ichin.

 

                            (Les deux mousses baisse la tête).

 

Maman                 (Marrie).  J't'en prie laisse les tranchille.  Ils sont commes mé ils qu'menchent à être enniez d'être ichin et une aute chose si Lisabé lus a acater des sucrins et des pommes ils ont l'drouait d'les mangi.

 

Lisabé                  Mais j'n'les ait pas acater.

 

                            (Ou's'touonne es deux mousses).

 

 

Lisabé                  Yiou qu'ou s'avez yieu chès pommes et sucrins là, allons dites-mé me mauvais sujets.

 

Les Mousses point au pias sus la tablye et Lisabé va va[ie]

 

Maria                    La, les deux esfants qui sont si ben es'l'vée, si j'tait les mins j'lus donnethé une bouanne tournewalippe.

 

                            (Lisabé erven et lus donne chachun une bouanne kip sis les mains).

 

Hypo                    Et ben, tu n'as pas qu'faithe de t'en desrangi car ches les mains, et d'même tu peux frumé ta cliavette.

 

                            (Les deux mousses ouvrent la bouoche et lus mets a braithe et les mious d'pommes se mets à chaient de d'dans lus bouoche).

 

Lucy                    (en plieuthant).  Ch'est Philo qui ma donné une pomme et ma dit qui fallait la mangi.

 

                            (Lisabé prend Philo par la main oulle chaque et l'emmene pour l'assièthe es pis à papa, ou d'vise en marchant et Lucy suit drièthe).

 

Lisabé                  Tu devthais savait mus, té Philo tu'es l'pus vi des deux, en v'la assez d'vot gniolin, met té ichin, assieds té es pids a papa et té Lucy assieds té es pids à maman.

 

                            (Lisabé s'en va aupi d'Hypo, Philo s'assieds avec un fredas sus les pis à papa, papa le pousse avec ses pis et l'estavelle tout son long dans l'aithe en faisant un brai).

 

Papa                     Oh, Seigneur de grace, me r'frédeus j'sis seux j'ai touos l'ortés escrasées, manièthe d'achocre tu n'peut ergarder yiou qu'tu mets ton drièthe donc.

 

                            (Philo s'erleve et frotte son drièthe Le P. est ben ennié et vint s'mâté en d'van d'la famille.  Il gratte sa tête tout en aidgons à Philo à s'erleve.  Philo reste debut et fait la lippe).

 

Philo                    J'veurs m'en aller siez nous me, j'en veurs pas aver mon portrait prins.

 

                            (Lisabé vint pour esprouver a l'consoler).

 

Lisabé                  Veten Philo, car le moussieu est pressi.

 

Maman                 La, mon p'tit creton, il'n'faut pas plieuthe d'aute, 'sait un bouan garçon et quand tu veindras siez papa et maman t'ethas du choclat.

 

                            (Lisabé l'met es pids a papa).

 

Lisabé                  La, Philo, ermet-te la et mesfie te, es pis a papa.  Ch'est d'ta faute, te papee si t'aver mins tes pids souos la chaise Philo n's'ait pas assis sus tes r'fredeus.

 

                            (Le bouanhomme est marri).

 

Papa                     La prechaine fais j'les laissait siez nous sous l'sofa pour te faithe pliaisi.

 

                            (Le P. qu'menche a perds patience et lus pointe le de).

 

Le P.                     Il'y'a ieunne chose que j'veurs vos dithe si Moussieu Pétrofski arrive devant qu'j'sais fini d'vous ou's'rez obligis d'arreter qui s'ait fini d'li, j'vos guernie l'avant la main.

 

                            (Le P. s'en va a sa boite a portraits).

 

Hypo                    Des Mousieu Pétrofski, j'crai ben qu'chest chique maniethe de Musicien a longue crins qui s'est pas laver pour chinque jours.

 

                            (Maria est espouvantee).

 

Maria                    Pour tout chaqu'nous en sait, ch'est p't'etes chique espion, j'ai grande envie d'etes hors d'ichin me.

 

Papa                     Et me etout, apres tout l'escalifias que je v'n'ou d'aver, ou n'etes pas sus d'm'y'r'trouve.

 

Lucy                    J'peux ti halle mon chape memee, le lastique est trop tight.

 

Lisabé                  Mais nennin tu n'peux pas l'halle j'allons tous garder nos chapiaux, touanne te vite et ergarde pour le p'tit oise.

 

Papa                     Le p'tit ouise essa grand comme un pitho si s'sommes ichin longtemps assee.

 

                            (Hypo halle sus sa gene).

 

Hypo                    Si j'sis ichin occouo chinqu minutes j'm'en vais estouffe, ma dgene et trais fais trop p'tite et j'sis a la manchi estrangyi.

 

                            (Lisabé y'aide a gres sa dgene).

 

Lisabé                  Si t'en mettez ieune pus souvent ti'y'veindrais a l'habitude.

 

Philo                    Je crais qu'le p'tit oise est estouffe ettout me.  Il'n'a pas occouo deshalle, cre tu qu'il est creve papa?

 

Papa                     J'n'en sais pas une mie ravi, ou ben qu'son maitre l'a mangi.  Il a yieu la tete fouorree en'd'sous d'chu ridgeau la longtemps assee pour la faithe.

 

                            (Le P. er'deshalle sa tete d'en'd'sous).

 

Le P.                     La, y'est tous chutte fais, sapresti j'en avons yieu assez d'charnage pour prendre un portrait, ou etes magnifique dememe, ne bouogis pas pour une minute si vos pliais.

 

                            (Maman souoleve le p'tit et tante ses gnours).

 

Maman                 Chu p'tit ichin a besoin d'etes changi, j'l'sait ben car j'ai les gnors touos miq ure, tates les papa.

 

                            (Papa met sa main sus les gnors a maman).

 

Papa                     Mesfie-te a tes rhoumatis, car j'en'setha comme d'habitude, il faudra t'erfrotte les gnors avec de l'huile canphree.

 

                            (Hypo s'met a rithe et Maria est desgouotee).

 

Maria                    Pepee, ne pasle pas si grossiethement et te Hypo Le Bro maniethe de ritonneux, tu devthais aver honte de …

 

                            (En s'touonant Hypo boschule le chape a Maria).

 

Maria                    Mesfie-te a mon bouon chape, Hypo, maniethe d'eschervele.  Tu'ethais pas d'eu aver l'nom d'Hypolite, ils ethaient d'eu t'nomme Hypocrite.

 

Hypo                    Appele tu chonna qu't'as sus l'haut d'ta caboche un chape.  Il'm'a l'air pus a un parapluie qu'un chape.

 

                            (Lisabé est marrie es deux).

 

Lisabé                  Allous vos taithe, ou s'etes piethe que deux mousses.

 

                            (Le P. tappe du pi).

 

Le P.                     Allons, si vos pliais, ch'est achteu ou jamais, ergardez tous par ichin.

 

                            (Il's'fouorre en'd'sus d'son camera).

 

Philo                    Ergarde pour le p'tit oise Lucy.

 

                            (Lucy s'leve et pietous et ou's'tien).

 

Lucy                    Memee, j'veurs aller chique bord me.

 

                            (Le P. erdeshalle d'en'd'sus et crie haut).

 

Le P.                     R'assieds te la, a la minute, je crais qu'ous etes tous en trins d'vos fichi d'me.

 

                            (Il's'ent ergarde tous, ben marris).

 

Maria                    Ecoutee la, ch't'afronte la, ouoccuo ben qu'mon pouorre Nicolas n'est pus, car il n'ethait pas tait longtemps a vos nierchi les deux yiers.

 

                            (Philo s'leve et va a la boite).

 

Le P.                     Me, affronte, ch'est vous qu'etes un tas d'affrontees.  Ou vous en v'n'aient ichin sans appointment, vos mousses bouffe toutes mes pommes, j'en peux pas vos dithe un mot, ous etes piethe qu'une foursee d'cochons dans une cotte.

 

                            (Ils sont tous marries).

 

Hypo                    Il n'y'a pas qu'faithe d'etes insolent.  J'pouvons aller siez chi'qu'uns d'autes.

 

Lisabé                  Ou n'etes qu'un maniethe de roupiyieux.

 

Lucy                    J'veurs aller chique bord memee, vite.

 

                            (Philo s'tien ettout et point a un bouchet).

 

Philo                    Et me etout memee.  Il y a un bouchet dans l'coin.

 

                            (Le P. est futhieux et ramasse son bouchet).

 

Le P.                     Nennin mercie, ch'est l'bouchet qu'j'develope les portraits d'dans, maniethe de p'tit keto.

 

                            (Le P. pousse Philo et il s'met a pieuther).

 

Maria                    Ou s'etes ben d'n'avait pas a faithe a me, car j'vos mettrez la tete dans vot fichu bouchet.

 

                            (Papa s'leve d'un enbron).

 

Papa                     J'en sais pas ch'est qu'ous allez faithe, mais j'sais ben ch'est qu'j'm'en vais faithe me, j'm'en vais siez nous.  Allons veton maman, tu dait etes ben n'enniee de t'nait chu p'tit la.

 

                            (Maman s'leve avec d'la peine et s'prepare pour s'en aller).

 

Maman                 Ah m'esfants, j'sis raide comme un pokeur.  Je s'ai ben contente de m'en aller siez nous.  La Lisabé, tu f'thas mus d'prendre le p'tit.

 

                            (Lisabé prend le p'tit et va pour s'en aller souotre papa et maman.  Hypo s'ertouone au P.).

 

Hypo                    J'en sais pas vraiment pour chi qu'sommes venue ichin pour avait not portrait prins quand j'pouvaimes aller siez Louothiens, ch'est au mains un Jerriais.

 

                            (Le P. est futhieux).

 

Le P.                     Allez y avec plaisi, j'sis a payi pour vous.  Dites li qu'm'enviye l'conte, allons va t'en te, maniethe de p'tit Turque.

 

                            (Il chasse le mousse le tou d'l'appartment).

                           

                            Le mousse choppe sus son trepi et tchulebut tout bas.  Le P. est comme un TIGRE.