Eune Bouanne Année - The Perfect Year

Eune Bouanne Année - The Perfect Year (J'dévthais ofûche m'en d'menter d'chanter mains ou pratitchi pus - Perhaps I should resolve to sing less or practise more) #jerriais pic.twitter.com/OtvT9kGoYE

— Geraint Jennings (@GeraintJennings) December 31, 2017

Eune Bouanne Année

The Perfect Year

Sonne hors lé vyi
donne-mé l'nouvé
j'm'en vais chârer
man d'si d'mînniet
tes lèvres sont caudes
ma tête - touônnée
J'nos aimêmes-t-i'
d'vant à ces sé?

J'm'en fich'chai d'eune grande assembliée
chein qu'j'ai ichîn s'sa assez
si tu'es auve mé
j'allons pâsser
eune bouanne année



I' n'vaut pon ouï
la musique jouer
tes ièrs dithent pus
qu'tu peux d'viser
qué l's êtailes lithent
ou bein qu'i' tchaient
j't'éthai tréjous
à côté d'mé

J'm'en fich'chai d'eune grande assembliée
chein qu'j'ai ichîn s'sa assez
si tu'es auve mé
j'allons pâsser
eune bouanne année

I' n'vaut pon ouï
la musique jouer
nos ièrs dithent pus
qu'ch'est avisé
l'heuthe a sonné
l'dé est jouôté
don ristchons-y
roublions l'pâssé

J'nos en fichons d'eune assembliée
chein qu'j'avons nos s'sa assez
si tu'es auve mé
j'allons pâsser
eune bouanne année

V'là l'Tchu dé l'An
j'tcheûtons du ji
danse horte la vielle
di-li adgi
acouo eune chance
acouo du neu
et tant d'bieaux rêves
pouor caûffer l'tchoeu

J'nos en fichons d'eune assembliée
chein qu'j'avons nos s'sa assez
ch'est d'embraichi
châque chiéthe, châque chi
eune bouanne année

J'nos en fichons d'eune assembliée
chein qu'j'avons nos s'sa assez
ch'est d'enfachi
et d'embraichi
eune bouanne année

D'vant dé jouer
eune gamme d'dangi
et d'vant d'aver
du feu d'satchi
jé d'vons d'mander
si j'sommes cratchis
et si chutte gamme
vaut bein chu prix
auve chu vîn et auve chutte musique
coumme tchi qué j'pouvons vaie cliai?
espéthons vaie
si ch'est, Dgieu sait,
eune bouanne année