Ôse dêmus'ler Dézembre

Ôse dêmus'ler Dézembre

Ôse dêmus'ler Dézembre! Lâque chu drein mais d'l'année!
Dêbarre Dézembre achteu! D'samathe-lé dêliêment!
L'adgulle d'l'hôlouoge avanche, gav'lant les heuthes ag'vées;
la dreine fielle d'almonnas à la renvèrque sus cant.

En cahuchant sa huthe, Dézembre happ'tha la pathe
ès nyits naûmiées et néthes, dents et os dêmuchis;
hueûlant en adgèvement, chu mais mouaîsi d'samathe
et mord à cros crotchus lé janne viageux d'Janvyi.