La Sèrvelle dé Noué 2016
Eune vèrrée d'vîn, un lèrmîn d'rhonme;
i' vente eune brise dé cliou d'giroufl'ye,
les anges chantûthent, les goub'lîns monment,
lé r'lais du dînner nos êssoûffl'ye.
Un dranme dé fronmy à gliaichons,
et nou r'nifl'ye eune halenée d'cannelle
et d'muscade; l'êpice est au fond
d'l'êcliat trélûthant des chandelles.
Eune fais d'couongnac, trîntchons nos vèrres
à la santé tchi r'ssent d'gengivre!
Paix ès hauts lieux et sus la tèrre,
chutte séthée d'Noué tchi nos enivre.
Geraint Jennings
24/12/2016
No comments:
Post a Comment