Noué: L'êtabl'ye - Stable

Des buts d'cantiques dé Noué tchilyis s'lon des thèmes!
A theme a day with Christmas carols galore!

L'êtabl'ye

Êtailes, êtailes

Par sus la ville, eune êtaile est à mèrtchi
qu'à Béthléhem un Saûveux nous est donné.
Y'a dans l'êtabl'ye dans tchi l'êfant est bèrchi
d'l'enchens, d'la myrrhe, et d'l'or tchi lit si bé.

Pétite âne

Pétite âne, pétite âne,
Té v'là quâsi là,
Né hésite pas pour un înstant,
L'êtaile l'avant va;
À eune êtabl'ye, ma p'tite âne,
Ou s'n va t'dgider,
Car dans chutte pliaiche s'en va naître
Lé fis du Bouân Dgieu.

À travèrs les montagnes

Té qui dans eune êtabl'ye
Au monde arrivit,
Qui à ch'teu en glouaithe
Sus touos rouoyaumes règne,
Èrtchille les pouôrres paiens
Des pays lointains
Qui n'ont janmais veu lithe
Ch't êtaile sans patheille.

Saûticotons à Béthléhem

L'âne et l'boeu, ieux, i' piétinnent étout
dans l'êtabl'ye où'est qu'l'êfant est bèrchi;
tandi qu'un tchoeu d'anges dgêpe tout à l'entou
Louangeant l'êfant tchi r'mue ses pids!

Lé Fis d'Marie

Bétôt i' trouvîtent un p'tit coin,
Et là, dans eune êtabl'ye sombre,
Auvec les bêtes pour compangnie,
Jésû fut né au monde.

Bethléhem

Et dans l'êtabl'ye, sus l'fain couochi,
Lé p'tit Jésû dormait.

Êtaile du ciel

Êtaile du ciel,
Si mangnifique et si brillante,
Tchi mouontre lé c'mîn
Jusqu'à l'êtabl'ye
Où'est qu'est chu p'tit êfant.
Chantez fidèles, dé tout bouan tchoeu,
Pouor vot' Seigneur, lé Fis du Bouan Dgieu.

Taîs'-ous, taîs'-ous, viyiz lé p'tit êfant

Car ch'est man Saûveux
et man Rédempteux,
né dans eune êtabl'ye et dans man tchoeu.

Oh Tchi Douoche Niet

Viy'ous ch't'Êfant adouothabl'ye
Couochi dans eune pouôrre êtabl'ye?

Viyiz, blianc dans les bonds d'né

Dans la néthe êtabl'ye, couochi
est l'chein tchi fit tout ch'tchi lit,
li tchi 'tait couronné d'lueu
auve les anges ès pus hauts lieux.

Les bein bouonnes bêtes

Jésû, not' Saûveux, l'Jour dé Noué,
dans eune vielle êtabl'ye i' fut né
auve les bein bouonnes bêtes à l'èrgarder:
Jésû, not' Saûveux, l'Jour dé Noué.

Ouïy'-ous la chanson dé jouaie?

Christ, adouothé dans les cieux,
Jésû Christ est not' Seigneu.
Viyiz dans l'êtabl'ye bèrchi
L'êfant dé la Vièrge Mathie!

Dans la Cité du Rouai Dâvi

I' vînt du ciel sus la tèrre,
Dgieu li-même, lé Tout-Puissant.
Decendit dans eune êtabl'ye,
Et san bèr n'était qu'eune stâlle.

Béthléhem chante à ces sé

Vai la ville où'est qu'lé saint p'tchiot est bèrchi!
Vai l'êtabl'ye où'est qu'i' fut né!
Coumme l'âne et l'boeu sont à lus agenouoilli,
il est v'nu pouor nos saûver.

Dans la vielle ville du Rouai Dâvi

Viyons endormi dans l'fêtu,
êcliaithi par eune sainte lueu,
né dans l'êtabl'ye, lé p'tit Jésû
tch'est bèrchi siez l'âne et l'boeu.

Jésû est né

Louangez lé Seigneur, Jésû est né;
Car dans eune êtabl'ye l'êfant divîn
Annoncé des anges, mèrtchi d'l'êtaile;
Not' Sauveur fut né à Bethléhem!

Dans la Cité du Rouai Dâvi

Pas dans eune êtabl'ye pauvre
Auve les bestchiaux alentou d'li,
Jé lé verrons, mais en glouaithe
Assis à la drouaite de Dgi,

Ideo Gloria in Excelsis Deo

Dans un tro, I' dormait
Auve les bêtes dé l'êtabl'ye,
Hors lé pouver du dgiabl'ye

Parmi la g'lée d'hivé

Parmi la g'lée d'hivé
L'êtabl'ye 'tait assèz
Pouor not' Dgieu, Rouai des Rouais -
Chu p'tit saint bébé.

Couochi dans eune êtabl'ye

Couochi dans eune êtabl'ye, sans bèr et sans liet,
lé p'tit Seigneu Jésû est là à haûter;
les êtailes êcliaithies seurvil'yent lé saint p'tchiot,
lé p'tit Seigneu Jésû à dormi dans l'tro.

Béthléhem

P'tit Jésû,
P'tit Jésû,
né pouor nous, lé p'tit Jésû!
Bèrchi dans l'êtabl'ye auve l'âne et l'boeu,
un p'tit êfant tch'est lé Bouôn Dgieu.
Dans la chai viyiz l'Saûveux!
P'tit Jésû,
P'tit Jésû,
P'tit Jésû.