Des buts d'cantiques dé Noué tchilyis s'lon des thèmes!A theme a day with Christmas carols galore!
Les Trais Rouais
Bethléhem
Les Trais Sages Hommes et les bèrgers
S'en fûtent l'Êfant trouver;
Parmi la g'lée d'hivé
Si j'tais iun des Trais Rouais,
Jé Lî f'thais honneu.
Êtailes, êtailes
Sus lus chanmeaux, ava et amont les mielles
souotre un m'sagi d'là-haut l'avant à lus ièrs.
Viageant tréjous à la siette d'eune grand' êtaile,
né v'là les Mages tchi veinnent, crouaîsant lé d'sèrt.
Ideo Gloria in Excelsis Deo
Les trais Mâges y vénaient,
Chèrchant pouor chu Bébé,
Chèrchant pouor chu Bébé.
L'êtaile les attithait
Pouor lé P'tit admither
Anges des régions dé la glouaithe
Mages, laîssez vos contemplâtions,
I'y a dé pus grande importance.
Chèrchiz lé dési des nâtions.
L'êtaile annonce sa naîssance.
Dans la vielle ville du Rouai Dâvi
Les Trais Mages ont r'mèrtchi l'êtaile;
i' l'ont r'connu, i' l'ont sieu.
Séyons sages et tréjous fidèles,
siêthant l'êtaile au Saûveux!
J'sommes trais Mages
Dé bein au liain j'avons viagi.
J'sommes trais Mages, des rouais dé magie.
Par la campangne et les montangnes
Souotre eune êtaile tchi lit.
I' tchait d'la né
I' tchait d'la né;
des rouais sont à lus appréchi
auve lus présents
pouor lé p'tchiot si précieux et chi.
Habil'-ous don!
M'ttez vos mantchieaux
riches et rouoyaux!
Mâges, griy'-ous! Viagiz au Vouêt!
Bein dêliêment
auve vos présents,
souotre l'êtaile tchi mouontre la vouaie.
Saûticotons à Béthléhem
Les chanmeaux chabolent par lé sablion;
i' gabathent douochement par sus les mielles;
coumme les Trais Mages cachent ava et amont;
là-haut dans l'ciel ou pâsse, l'êtaile!
Êtaile du ciel
Les Mages dé l'Êst
Tchi travèrsaient la mielle,
En r'gardant vèrs lé ciel,
Vîtent étout l'êtaile
Et en la suivant
À Bethléhem
Y trouvîtent dans l'êtabl'ye
Lé p'tit êfant.
Jésû est né
Les mages et bèrgers agenouoillis là,
L'âne et les brébis, la biche, lé ch'va,
Adorant l'êfant sus l'fain couochi,
La glouaithe du Bouan Dgieu lîsant l'tou d'li!
À travèrs les montagnes
À travèrs les montagnes
Et du d'sert i' veinnent,
Les Mages savants et sages
À sa pouôrre humbl'ye d'meuthe
D'eune ardeur dêvouée
De liain il' arrivent
Pour suivre sans tchestchion
Eune êtaile coumme dgide.
Oh Tchi Douoche Niet
Oh tchi douoche niet! oh tchi sainte niet!
Rouais et bergers veinnent Lé vaie.
Taîs'-ous, taîs'-ous, viyiz lé p'tit êfant
D'valés des clios, y'a des gardeurs d'brébis.
Des Mages ont apporté lus présents.
Humbliément offrons, auve l'esprit rêjoui,
Au p'tchiot nos louanges tchi montent coumme l'enchens.
No comments:
Post a Comment