Noué: L's anges - Angels

Des buts d'cantiques dé Noué tchilyis s'lon des thèmes!
A theme a day with Christmas carols galore!

L's anges

Lé Fis d'Marie

Êcoutez les Anges qui chantent,
Un nouvieau Roué est né.

O pétite ville dé Béthléhem

J'ouïyons l'assembliée angélique
Tchi chante la bouonne nouvelle,
Car il est v'nu, lé p'tit Jésû,
Not' Rouai Emmanuel!

Êtaile du ciel

Chantons sans cêsse,
Et chantons nos louanges,
Pouor lé Seigneur Jésû,
Tch'est lé Rouai des Anges.
Et par sa naîssance
À Bethléhem
I' nos donne jouaie du ciel,
Paix sus la tèrre.

Anges des régions dé la glouaithe

Anges des régions dé la glouaithe,
Passez par-'chîn à ces sé.
Ous racontez toute l'histouaithe
Comment not' Saûveur est né.

Jé vai les vailes dé trais batchieaux

Et touos les anges s'en vont chanter,
Chutte fête dé Noué chutte fête de Noué
Et touos les anges s'en vont chanter,
Chutte fête dé Noué, lé matîn.

Des bèrgers gardaient lus troupieaux

Aussitôt dit, il appathut
Dans l'ciel des anges brilliants,
Qui louaient Dgieu jouaiyeusement,
En chantant auve ches mots:

Lé Cantique du Sussex

Lés Chrétiens chantent chutte séthée d'Noué,
Pour ouï ches nouvelles dé grande jouaie.
Dans les cieux appathaîssent des anges,
Chantant, èrpétant lus louanges.

Sus l'coup d'mînniet les bèrgers ouîtent

Des anges qu'i' s'penchaient vèrs la tèrre,
Jouant lus harpes d'or;
"Paix sus la tèrre, bouanne volanté
Es hoummes, du Tout Puissant"
Lé Monde entchi dévînt trantchille
Pour oui lé chant des Anges.

Jésû est né

Chantez auve les anges, chantez d'la paix,
Qu'les cieux rétentissent d'amour et d'jouaie!
Chantez auve les anges dé not' Sauveur!
Êfant dé Marie, fis du Seigneur!

Taîs'-ous, taîs'-ous, viyiz lé p'tit êfant

Ouïyiz les vouaix des anges et hoummes chantant
là-haut dans lé Ciel et sus la Tèrre.

Viyiz, blianc dans les bonds d'né

D'vièrs mînniet sus les côtis,
la nièrcheu fut êcliaithie:
un tchoeu d'anges tchi chantaient "Paix!" -
les bèrgers sont v'nus lé vaie.

Nos v'chîn dans la ville d'Dâvi

Ouai-tu, bouonhoumme, la chant'tie
des anges ès pus hauts lieux:
un lô-lô à l'êfant tchi
s'sa dé touos lé Saûveux?

Habil'-ous don!

Anges ès êtailes,
brîngiz vos ailes!
M'ttez vos robes d'or et d'argent!
M'ttez vos charmes, et
dans vot' armée
v'nez en glorieux habilement!

L'Êfant à Béthléhém

Épis les anges chantîtent ès cieux
et vîntent nos dithe qu'achteu
pouor nous i' fut né, not' Saûveux:
l'êfant à Béthléhém

Rêjouiss'-ous tous

Rêjouiss'-ous tous! Né v'chîn l'Seigneu!
Les anges lé chantent dans l'air:
Glouaithe sait à Dgieu dans l'haut des cieux
Et paix sainte sus la tèrre.

Ouai-tu la sonn'nie céleste?

Ouai-tu la sonn'nie céleste?
Les anges sonnent les clioches au ciel.
La chant'tie du Vouêt et d'l'Êst
Nos annonce la bouonne nouvelle:

Saûticotons à Béthléhem

L'âne et l'boeu, ieux, i' piétinnent étout
dans l'êtabl'ye où'est qu'l'êfant est bèrchi;
tandi qu'un tchoeu d'anges dgêpe tout à l'entou
Louangeant l'êfant tchi r'mue ses pids!

Jésû est né

Louangez lé Seigneur, Jésû est né;
Car dans eune êtabl'ye l'êfant divîn
Annoncé des anges, mèrtchi d'l'êtaile;
Not' Sauveur fut né à Bethléhem!

Bethléhem

Êcoutez les anges tchi chantent
L'histouaithe pouor té et mé:

Oh v'nez, touos les fidèles

Chantez des cantiques,
Anges et hoummes ensemb'lye!
Auve les vouaix dé touos les tchoeurs célestes:
"Glouaithe sait à Dgieu,
Dans les pus hauts lieux!"

Qué Dgieu vos garde heutheurs, bouannes gens

Et Dgieu, not' Péthe, envyit un ange
Tch' appathut dans lé ciel,

Dans la vielle ville du Rouai Dâvi

Ouïyons auve les gardeurs d'brébis
les cantiques des anges ès cieux!
Allons, acanté ieux, vilyi
sus l'êfant tch'est l'Fis dé Dgieu!