Lé Jour d'la Libéthâtion 2011
Libéthêment sus la pathade, lé solé lit;
les Juges en rouoge, et l'Gouvèrneux attînté d'plieunmes,
la mâsse en or flianque ses èrfliets sus l's attriotchis;
nou vait des robes et d's unniformes s'lon la couôteunme.
Sus toute la pièche, lé monde sont v'nus vaie toutes les triques;
lé Bailli pâle - sa tête bein grôsse sus l'grand êcran;
nou chante ensembl'ye les vielles chansons et les cantiques;
la musique joue; nou brait qu'Jèrri est bé dans l'chant.
Et un châtchun, chu janne soudard, ou l'chein tch'est vyi,
- sait sus l'êcran, sait dans la pièche, l'avant ès ièrs -
èrgarde acouo la vielle et bouonne cérémonnie...
auve les grôsses têtes, les gens d'la Cour, les jannes et vièrs.
Geraint Jennings
9 d'Mai 2011
No comments:
Post a Comment