La Gâzette du Sé rapporte:Israel can become an important trading partner for Jersey, according to two ministers who led a visit to the Jewish state. Economic Development Minister Alan Maclean and ‘foreign minister’ Freddie Cohen headed the high-level trade delegation who today concluded their three-day visit. And they were both excited at the prospects for the development of trade links between the two jurisdictions.Né v'chîn tchiques buts d'textes entouor d'aut's vîsites dé Jèrriais là-bas:
Here are some Jèrriais extracts about other Jersey people who've headed over there on visits:
Un Viage en Tèrre Sainte (1951)
...J'appraichons d'Jérusalem par la route dé Jaffa, à l'Ouêst dé la ville. Jusqu'ichîn j'n'avons pas tchitté l'pays d'Israël. Eune fais qué j'l'éthons tchitté jé n'pouorrons pon y r'vénîn - ch'est viyant qu'Israël est acouo nominnal'ment en dgèrre auve les pays d'à l'entou. La paix n'a pas acouo 'té sîngnée, et nouos pâsseports nouos pèrmettent seulement un pâssage en Israël. I' faut qué j'viyons tout ch'qu'i' l'y-a à vaie dans la partie Israëlite dé Jérusalem dévant travèrser la frontchiéthe du Jourdain, rouoyaume du Rouai Abdallah.Un viage en Tèrre Sainte (1976)
Ch'est des bâtiments modèrnes qué j'viyons partout en entrant. Nou s'craithait quâsi dans eune ville Améthitchaine! Pourtant, ch'est Jérusalem, lé même Jérusalem qué l'Seigneur Li-mème èrgardit, les lèrmes ès ièrs - pas longtemps d'vant d'y-être crucifié - quand I' s'arrêtit en c'mîn et s'fit : "O! Si tu connaissais au jour d'aniet les choses tch'appartcheinnent à ta paix! Mais à ch't heu' i' n't'est pas donné d'les vaie! Car les jours veindront qu'tes enn'mîns t'entouoth'thont d'tranchies, t'enfreunm'thont et t'êteindront dé touos les côtés, et t'râs'sont à nivé d'tèrre, té et tes êfants - et i' n'té laîs'sont pas eune pièrre l'eune sus l'autre!"...
...D'autres împressions tchi nouos ont resté sus l'idée sont nombreûthes et vâriées. Mais y'en a sustout tchitch'eunes tchi nouos frappîdrent, telles qué l' "aridité" du pays (ouaithe qué quand les plyies veinnent pus tard tout r'vèrdisse à mérveil'ye, pouor deux ou trais mais) la grand' bâtithie tch'est à s'faithe dans les villes - grands bâtisses et dêveloppements încriyabl'yes; lé tèrrain pièrreux, maigre et pauvre sus des grand's êtendues, mais ailleurs hardi fèrtile et productif; lé manque dg'ieau, étant tchiquefais sept ou huit mais sans plyie, mais l'arrouôthage bein arrangi et effectif dans bein des parties ailleurs ; lé contraste dé la vielle manniéthe dé vivre et dé transport (ânes et mules, et chanmeaux) et la pouôrreté des uns, mais la modèrnité et la richesse des autres.En Israël (1976 - George d'La Forge)
Eune aut' chôthe tchi vouos êtonne est dé vaie comme tchi qué Juis et Arabes pathaîssent souvent aller d'ensembl'ye, en dêpit des troubl'yes par ailleurs entre les deux races. Enfîn, acouothe eune fais quant à nous-même, dé nouot' vie j'n'avions janmais veu tant d'chents milles dé londgeu d'muthailles (à bein des bords dans l'pays) - véthe, mais, des mille et des mille muthailles à pièrre secque dans des pendants sustout, des restes des civilîthâtions d'aut'fais! Chu tèrrain îngrat à des bords est à n'pas craithe, et êvidemment tout d'même la vîngne y'était tchultivée aut'fais. Tant qu'à ch'la, acouo d'nouos jours i' y'a des grands quantités d'vèrjus récolté à bein des bords....
...Quand j'disais au monde qué j'm'en allais en Israël, i' mé d'mandais si j'tais seux qué nou pouvait y'aller en plieine seûtheté ches jours, prîncipalement quand les gâzettes nouos disaient tch'i' y'avait du troubl'ye dans la contrée du "West Bank" (eune lîziéthe dé tèrrain d'à bein près eune mouoyenne dé vîngt milles à l'ouest dé la riviéthe du Jourdain) tchi soulait apparténîn au Rouoyaume Hachémite dé Jordanie mais tchi fut prînse par les soudards d'Israël dans lus dreine dgèrre auve les Arabes, et il' ont appathemment bouanne întention d'la garder - comme il' ont l'întention d'garder Jérusalem, couôte tchi couôte, étout....
No comments:
Post a Comment