La Lettre Jèrriaise 19/5/1988

 This is the script for a Lettre Jèrriaise broadcast on BBC Radio Jersey in 1988. This was written by Clifford Laisney, not for publication but as a script for reading, so spelling, punctuation, typing is not "corrected" or standardised.

Dimanche le 19ieme de Mai 1988

 

Bouonjour Boun Gens. Chais Clifford Laisney chi vos addreche aniet Dimanche le 19 de Mai. J'pense bien que la majorite des gens chi mécoute a matin sont compagniards et qu'ous avez chique connection avec l'agricole, que j'ésthait coumme fermiers ou meme qu'ous avez qu'un gardin.

 

La saison d'patates vint d'se fini, j'a 'tait une bouonne pour les uns et moyenne pour d'autres, car c'h't'année la recolte na pas 'tait la meilleur et l'prix rein d'excitent.

 

J'voudrais dans le p'tit temps que j'ai d'accorder a matin vos conduithe dans une comparaison de craite une recolte de patates achteu a comparaitre avec ya cinquante ans, faut dithe devant la dernier guerre.

 

Vos en rapp'lous quand les tracteurs c'mmenchites a lus faire servi, premierement avec une cherrue a t'nien, et pis la cherrue chi se l'vait toute seule fut inventée, ch'il énnovation, personne a t'nein les limons. Y fallait quatre hoummes a foui et r'habbyi les pitchages et y'un a faire le tou du clios avec la jouge. Au'jourd'anier chais trais raises au coup, des immences tracteurs, personne dans l'clios et meme le gas chi conduis l tracteur a son radio ou'est ch'il peut entendre le débat chi s'passe dans l's'etats.

 

Vos en rapp'lous quand nou s'mé l'guano a la main, bein souvent y fallait l'mettre en piache a bras, des pouchies d'un chent et d'mi. Ce'eun 'tait pas tout fonne dans la terre fraiche tournée. A'ch'teu c'h'est tout a la s'meuse automatique. Nous emplye la machine au but de clios, monte sus l'tracteur, et chais tout s'me dans rien d'temps. Quand y v'n'ait la pliantie fallait prépathé toute la terre au c'hva, griffonné en travers suivit par un coup d'hérche, pas coumme a c'teu, un coup d'rotovateur, les raies sont pemplies at tout est faikt dans une seule operation.

 

Pour plianté c'h'tait le c'hva et cherrue, chinq plianteurs, chachun sa perchie, et fallait y marchi, car si c'h'tait un bouon bide la cherrue n'tait pas longtemps a faire le tou du clios. Coumme chi que nous attendait la bouchie pour avaoit un p'tit r'pos. Aujourd'anier chais la plianteuse automatique, un homme seulement sus la machine, toute la s'menche boulversée dans une pile, les unes chaises la tete en haut et d'autes en bas, c'h'tit tripot. J'pense bien chi faut q'nou considethe que dans l'temps c'h'tait tout a fait un grand fermi chi craissait 25 vrégies d'patates, achteu chais 150/200 vregies. Chais c'hna que nous appelle progress. Quand v'n'ait la griffonnie et ouattie c'h'tait acquo au c'hva, et fallait les r'passer au grapin ou a la pliatte ouette, et quand y v'n'ait l'temps pour sprayer, et bein le pourre dos pourrait raconteur bein d's'histouaithes. Es'tche surprennant qui ya d'gens chi souffre ed'rheumaisses. Achteu nous les pliante, nous les spraye contre la sercyle, et nous les sprayecontre la maladie tout au tracteur, chi changements. Nos v'la arrives achteu a la fouthie. Dans l'temps nous aller rencontrere les travailleurs au baté, bein souvent des familles entieres chi v'nais pour faire la saison. Souvent ils 'taits charghis d'provisions, du lard saller, du bouon pain et assez d'beurre pour la saison. C'h'tait trejous un pliaisi de les r'vaie année apres année. Pour c'mmenchi la saison, c'h'tait bein important d'avait une bouonne froucke, et souvent c'h'tait l'tacheron c'h'aller la choisi. Tous chi fallait autrement qu'la froucke 'tait un coupyle ed'panniers, un d'vanté d'pouch et ca yais.

 

Au'jourdanier, la majorité d'travailleurs sont Portugués, et ils ont une érnoumée pour etre de bouon temperament, et tréjous pres a travaillyi. Naturellement les temps ont changi,et c'h'nest pas du travas d'main coumme le temps passé. Anier chais acquo d's'immenses tracteurs chi traines des machines a défoui a l'automatique. Chinq personnes sont capabyle de découvri vrégies d'terrain par jour. Et pis dans des cas les patates ne sont pas mises en pouchs nib arils, mais directement en cherriots, coumme chi s'sait des cherges ed'raves. Bein certain que la qualité d'patates qu'arrive sus c'marchi anglaise n'sont pas dans la bounne condition coumme dans l'temps quand nou les respecté coumme chi s'avait 'tait d's'eux. Mais bounne gens j'pen se bein chi faut que-jeu suivont l'temps, mais pas tréjons pour le meilleur. Un p'tit point, mais bein important pour les gens chi lus rappelles du Bridge. Dans l'temps nou vendait sa cherge d'patates au marchand chi vos offret le pus d'sou, et j'men rappelle entendre mon péthe dithe chi pouver calculer la valeur de son bilet en r'tournans d'la ville, et si necessaire aller le echéver le lendemain. Pas coumme achteu dans chu temps modern quande les patates sonts vendues sus commission, et il est trais ou quatre s'maines devant que nous entend le prix chi l'ont 'tait vendues. C'h'en est la acquo du progrés.

 

Les gens coumme mé chi c'mmenches a lus approchi de l'arlevee d'lus joura neu sonts pas trop accoutoumées a tuous chais changements, mais y faut qu'je suivons. L'temps. J'avons veu bein des changements dûthant n'out vie. Comme chi que 'sommes érmercions qu'el Dieu que'J'connaisaimes est acquo l'meme Dieu qu'est tréjous préts a nos sout'nein si j'linvitons. C'h'est li qu'est le c'min, la verité et la vie.

 

J'vos r'mercie pour m'avait ecoute.

 

A LA PROCHAINE.