George d'La Forge mouothit aniet en 1984.George d'La Forge died on this day in 1984.
Some of yesterday's library work involved finding some texts on particular topics by George d'La Forge.
"George d'La Forge" n'est pus. Sén âme s'envolit pouor Lé Paradis lé 27 d'octobre, mil neuf chents huiptante-quatre. I' pâssit don l'pas à l'âge vénéthabl'ye dé nénante-trais ans.
Jèrriais absolûment r'mèrtchably'ye sus touos les sens, j' n'éthons janmais veu ni connu san patheil. Esprité et adèrt à un dégré, il avait monté au tout haut d' l'êtchelle en dêpit des grands d'savantages dé ses jannes ans et d'la duthe vie qué nou n'comprend pus au jour d'aniet. Car, étant bouon d'colyi, il avait seu s'mett' en longue graie et, auprès aver hèrchi eune bouonne brîtheûthe, avait labouothé à larges raies et draites bel et bein pouor des'th années, hors pays, faîthant enfin sa miclotte et s'èrtithant d'affaithes acouothe au janne âge dé 55 ans.
Lé v'là don hors à san r'pos êtèrnel, et nou n' l'èrvèrra pus 'chîn-bas. I' vouos a êcrit des chents et des chents articl'yes, pouor la gâthette dite Jersey Evening Post - bein en d'ssus d'huit chents mille mots - et i' n' y'a quâthiment qu'li tch'a seu êcrithe lé bouôn Jèrriais comme i' faut.
No comments:
Post a Comment