Les Pavots
Lé onze dé Novembre
Ches rouoges clios d'pavots - trempés d'flieurs
Si rouoges, si sanglieuses mais si néthes;
I' dansent dans la brise... des couleurs
Sont à sîngnaler nos mémouaithes...
Saluons-les... Nos êtèrnelles
Pliantées auve amour et pitchi:
Les cheins tchi montîtent lus êtchelles,
Les cheins tchi mithîtent lus fûsis,
Tithant au ciel - un touffet d'flieurs,
Mouontrant lus faches, des rouoges héros,
Nos chuchotant lus rithes, lus plieurs,
Lus fielles, lus réchinnes, lus pavots.
No comments:
Post a Comment