Saturday 10 August 2013

Les Nouvelles Chroniques du Don Balleine

D'vant qu'nou s'n'âge en vacanches, nou dévthait penser qu'lé thème des Nouvelles Chroniques d'la Saint Miché ch'est En Ûrope. Jé s'sons heutheurs d'èrchéver des buts entouor des villes, montangnes, grèves, viages, touônnées, paysages, fricots et tout chenna en Ûrope - même si ch'est raîque un portrait auve deux'trais patholes entouor. Ou s'ous avez tchiques mémouaithes d'un viage en Ûrope au temps pâssé, y'étha du bouon étout. (La date lînmite s'sa l'preunmié d'Septembre)

Épis pouor Noué ché s'sa les Quat' Êléments. Si ch'est un êlément ou quat', ou trais ou deux, înspith'-ous pouor nos raconter dé tchi entouor l'ieau (chenna pouôrrait êt' la mé, la plyie, la né, la gliaiche, eune înnondâtion, la plionm'thie à la maîson ou chein qu'nou veurt...), ou l'feu (par exempl'ye eune brûl'lie, eune chandelle, eune fouée, la cheunm'née...), la tèrre (par exempl'ye dans l'gardîn, ès clios, dêfoui pouor bâti...) ou l'air (lé vent, en avion, les ballons ou autcheune chose dé même). Coumme tréjous l'thème n'est pon eune restriction, ch'est pouor offri des pôssibilités. (La date lînmite s'sa l'31 d'Octobre)

Nou-s'a chouaîsi les thèmes pouor l'année tchi veint. Lé preunmié neunmétho d'l'année s'sa la conmédie (d's histouaithes risîbl'yes, des farces, tout chein tchi fait rithe sus autchun sujet). Épis j'r'éthons la calenge des dgiêx mots (ch'est d'composer un texte en faîthant sèrvi touos les mots dans la liste proposée). Tout chein tch'est modèrne (ou tchi 'tait modèrne au temps pâssé) s'adonn'na pouor la machinn'nie au S'tembre (les machinnes, la technologie, d's înventions, si ch'est la télévision à la maîson ou l'tracteu au clios, ou l'téléphone ou dé tchi en travas ou autchun bord). Et pouor Noué 2014: "Ma caûminne est man châté". Tch'est qué j'voulons dithe par chenna? Bein, les bâtisses et les maîsons, siez sé ou à l'êtrangi. L'èrmueûthie ou eune vîsite à un palais ou un châté ou la maîson dé tchique pèrsonnalité (coumme Hauteville House ou d'aut's musées d'même), l's appartéments, la tchuîsinne, lé parleux, la chambre, d's offices, l'architectuthe ou autcheune chose tch'est bâtie.

Planning ahead: here are the forthcoming themes for the Jèrriais magazine through to Christmas 2014. Themes are intended to be thought-provoking, memory-stirring and elastic, rather than rigid and restrictive. Pictures with short descriptions in Jèrriais are as welcome as short paragraphs and longer texts.

2013
  • En Ûrope (à la Saint Miché 2013)
  • les Quat' Êléments - la tèrre, lé feu, l'air et/ou l'ieau (à Noué 2013)

2014
  • la Conmédie (au R'nouvé 2014)
  • 10 mots (à la Saint Jean 2014)
  • la Machinn'nie (à la Saint Miché 2014)
  • "Ma caûminne est man châté" (à Noué 2014)

No comments: