Sus man pônîn

Chutte sémaine jé chantons "Sus man pônîn":
This week we're singing "Sus man pônîn":

Ouogue, ouogue, bidé-ouaie!

Sus man pônîn, sus man pônîn

Ouogue, ouogue, bidé-ouaie!

Assis sus man pônîn!

Av'-ous visité Tchubec?

Nou-z-y'en allait à la pêque

Mais les femmes avaient trop dé becque!

Assis sus un pônîn

Av'-ous visité Chèrbourg?

I' faut y viagi tchique jour

Vendre ses patates, tonmates et chours

Assis sus un pônîn

Ouogue, ouogue, bidé-ouaie!

Sus man pônîn, sus man pônîn

Ouogue, ouogue, bidé-ouaie!

Assis sus man pônîn!

Av'-ous 'té à Porchémue?

Les mathîns habilyis en bliu

Baivent la biéthe dé pus en pus

Assis sus un pônîn

Av'-ous 'té à Saint Mâlo?

Eune cité tout entouorée dg'ieau

Les femmes sont belles et l's hommes sont sots

Assis sus un pônîn

Ouogue, ouogue, bidé-ouaie!

Sus man pônîn, sus man pônîn

Ouogue, ouogue, bidé-ouaie!

Assis sus man pônîn!

Av'-ous visité Ouêmue?

J'y allis auve rein qu'un êtchu

Mais j'dêpensis un tas dé sou

Assis sus un pônîn

Av'-ous 'té à Saint Pièrre Port?

Les rues sont raides et l's hommes sont forts

N'rêvilye pon eune âne tchi dort!

Assis sus un pônîn

Ouogue, ouogue, bidé-ouaie!

Sus man pônîn, sus man pônîn

Ouogue, ouogue, bidé-ouaie!

Assis sus man pônîn!

Av'-ous visité Cart'ret?

I' faut y aller en Êté

Châque belle femme a un homme tch'est bé

Assis sus un pônîn

Av'-ous visité Bristo?

J'y acatis un bieau quétot

J'finnis et j'vos dis à bétôt!

...

Ouogue, ouogue, bidé-ouaie!

Sus man pônîn, sus man pônîn

Ouogue, ouogue, bidé-ouaie!

Assis sus man pônîn!