Bouôn Pâques!Happy Easter!
Eune aut' vielle couôteunme du temps pâssé 'tait d'aller au Vièr Châté (Châté d'Gouôrray) lé Lundi d'Pâques, car ch'tait là l'seul jour qué l'publyi pouvait y'aller en visîte. Les gens d'l'Est sustout, sans doute, y'allaient en mâsse. Ayant veu tout chein qu' y'avait a vaie, en d'dans du Châté, y'avaît des jeux en d'houors pouor les gens à s'rêjoui - sus La Boul'lie.
Dit's à Missis' dé v'nin, -
Ou n'dira pas "Nannin."
Et l'LUNDI-D'-PAQUE - s'i fèt bé -
V'nèz; j'érons dés Mèrvèl's èt du Cymné.
V'n'ous-en bras d'sus, bras d'sous; -
J'vaindrons p't'êt'e au d'vant d'vous.
Le Lundi d'Pâques, à la chapelle St. George,
Au vier châté nouz allait l'pus et l'mux;
Ch'est la saison dans qui nou seme l'orge,
Et qu'l'ouaisé dit en chantant, "quitte-tes-cllus."
J'aime le podin à Noué,
Et au Mardi-gras des crêpes;
A Pâques i m' faut du simné;
J'aime à fêter toutes les fêtes.
Mais ach'teu, dis-mé, Merrienne, tchèsque j'allons faithe Lundi. Ch'est un jour de fête et d'rêjouissance, et comme la saison n'est pas embarrassante, j'pouôrraimes, si l'temps s'garde bé, allé nos prom'né dans l'arlevée. Il est vrai qu'man vier bidet n'est pas trop raide sûs ses gambes et tch'il à print l'habitude de choppé sûs ses viers jours, mais en allant douochement nou pouôrrait faithe une p'tite touônée sans mêchet. Quant à mé j'voudrais vais les patates ichin et là. Nou m'dit tchi sont divérsement belles à l'Eta, et que y'a d'biaux bétchets étout à Rozé et a Gouôray. Tchèsque tu'en dis?
A Noué toutes les clioches nou sonnaitEt à Pâques des fliottes nou mangeait,Mardi Gras donnait des crêpes pour "lunch",A la St. Jean ch'tait "milk-o-punch".
No comments:
Post a Comment