Monday 8 November 2010

I' faut molli d'vitesse! - Go slow!

Jersey Town Criterium 2010 recumbent 116Les lînmites dé vitesse èrsont dans les nouvelles - à Saint Cliément et partout l'Île. Et ch'n'est pon du nouvé, car nou-s'en pâle tréjous. Né v'chîn un but d'George d'La Forge dé 1973 - I' n'y'a rein d'nouvé souos l'touannement du solé.

Speed limits are once more in the news - a perennial topic of discussion as this extract from a 1973 article by George d'La Forge indicates. There's nothing new under the sun.

Il est grand temps qu'les Connêtabl'yes prannent l'affaithe en main pour molli la vitesse à 30 milles ou mains dans certaines routes comme lé fît l'Connêtabl'ye L'Mèrquand à St. Pièrre. Ch'est vrai tch'i' n'y a pon fort dé monde tch'y prannent autcheun avis et tchi cachent à quarante milles à l'heuthe comme s'i' n'y avait autcheune îndicâtion d'réduction d'vitesse. en pâlant à un Offici d'Connêtabl'ye au sujet un jour, i' m'dit qué si la police arrêtait touos les cheins tchi dêpassent la vitesse dé 20 milles à l'heuthe, i' faudrait eune pétite Cour et un Juge d'extra pour les présenter d'vant Justice...

Et dans touos les cas, pourtchi êt' si prêssis en Jèrri? L'Île est si p'tite tch'i' n'y a autcheune raison d'cachi vite. V'la tchi fait-i' chîn munnutes dé difféthence dé St. Ouën à aller en ville? Pourtchi pon tchitter la maîson chîn munnutes dévant et n'aver pon à cachi comme des fos?...

No comments: