Eune lettre dé 1899:
"Samuel, qu'a trejous yeu l'idée de se mettre dans le commerce, et qu'a en horreur la competition, s'était fiet sur une petite micklotte de la succession de s'noncle pour aller ouvrir une boutique (general store) en Ecrého, mais quand le testament a té lu, la seul chose qu'a té laissi à Samuel, pour porter le deu de s'noncle était une nethe pathe de cauches en cotton tan, rabillies, et son nier cat. "
Règl'ye duthe mais dêrègl'ye n'duthe pas!:
"Dans des temps, s'i' s'adonnait tch'i' n'taient pon surprîns d'vant pouver dêhaler lus pistolets ieux-mèmes, les cheins tch'étaient à dêchèrgi la litcheu dé d'dans lus baté s'èrbînfraient! Dans chu cas-là ch'tait au pus fort la pouque, et y'avait tchiquesfais des cadâvres laissis au bord dé la rivièthe par les gangnants!"
Les chînq hommes tch'ont vêtchu entre yeux passant 430 ans:
""Ou n'a jamais nagi à travers la Mathe au Seigneur," j'li dis, "comme lé Amice le fit une séthée quand i' r'venait d'la Ville à pid et mantchit san qu'min en appréchant de l'Etâ. I' disait tréjous tch'i' 'tait sobre dans l'temps, mais personne ne l'criyait, car tout l'monde connaissaient s'n habitude de n'être pas sobre sinon quand i' dormait.""
Subscribe to:
Post Comments (Atom)
No comments:
Post a Comment