Aniet ch'est l'Show d'l'Air.L'aut'e jour, auprès qu'le B.A.C. 1-11 eut sorti de l'Aéroport faisant un bri comme mille bêtes touozâtres à beuller ensemblye, souffrant d'un mâ à la tête însupportablye, j'm'en fus traithe, mais, du djiablye, i' n'y'avait pas mouoyen d'appréchi d'mes pouorres vacques - il' 'taient là, fixées commes des statues avec la coue en l'air et l's yièrs fixes - comme s'il' avaient veu ou ouït l'djiablye - et ch'fut avec les milles peines que j'parvîns à les traithe. J'finis trais pots d'lait à court ch't'arlévée-là, byeau que j'lus ramonni les cerclyes d'bathi pour éprouver à d'scendre le lait - mais i'n'y avait rein à faithe.
No comments:
Post a Comment