Lé p'tit paîsson et l'pêtcheux

 Eune fabl'ye dé Jean de La Fontaine en Jèrriais: Lé p'tit paîsson et l'pêtcheux

Jèrriais · Lé p'tit paîsson et l'pêtcheux

Un p'tit paîsson veindra un grand si ch'est qu'lé Bouôn Dgieu l'laîsse dév'nîn, mais s'nou lé lâque dans l'entrétant, j'dithais, ma fé, qu'ch'est du niolîn. Car nou n'saitha janmais si chu paîsson s'sa r'prîns. Eune tchèrpe tchi 'tait acouo raîque du frapp'lîn fut happée dans eune mathe par un Pêtcheux, assa. "Tchi p'tit m'donne veurt qué j'vive," qu'i' fit, r'gardant sa hâle. "V'là tch'est un bouôn c'menchement pouor sèrvi coumme bourgâle: pliaichons-la don dans not' pagas." La pouôrre tchèrpe fit d'san mus pouor ardgui san cas: "Tch'est qu'ou f'thez d'mé? Tout coumme jé n'sis pon un fricot; pus à co raîque eune d'mié-bouochie, Laîssiz-mé agrandi acouo; pus tard ou pouôrrez m'èrpêtchi. Épis j'vaudrai un tas à tchique gros milsoutchi. Au run ofûche d'aller en qu'si d'nouos gens acouo d'même eune chentaine pouor faithe un pliat. Tchi pliat? Pon d'la nouôrrituthe saine" "Pon saine? Mais d'èrvas-y," qu'i' rêponnit, l'Pêtcheux. "M'n anminne, jé vos ai ouï et vot' sèrmon d'licieux. Pouor vous, ch'est la câssetrole; ouaithe qu'ous ayiz prêchi, à ces sé, ou s'sez fricachie." Un tchein vaut mus, qu'nou dit, qu'eune pathe dé tu l'éthas; un paîsson dans la main vaudra. Jean de la Fontaine Vèrsion Jèrriaise dé Geraint Jennings