J'ai 'té à la pouquelaye du Mont Ubé étout - I went to the Mont Ubé dolmen today as well #jerriais #experiencejersey @Soc_Jersiaise pic.twitter.com/RB5pww2PgS
— Geraint Jennings (@GeraintJennings) July 9, 2017
La Pouquelaye du Mont Ubé
Ichîn dans la Pouquelaye du Mont Ubé
J'èrgarde lé ciel tch'est d'la tèrr'rie Chinnouaise;
La brise êffache la sueu dé d'ssus ma pé
Et les bouais chuchotent, “Achteu, sai à t'n aise.”
N'y'a qu'du grannit à la pliaiche d'os et d'chai;
J'sis bé et bèrchi dans chutte pouongnie d'pièrres;
Ses dés mé fliattent dans l'paûmé d'la pouquelaye -
Ichîn, ichîn, dans l'bouan mitan d'la tèrre.
Eune bénédiction païenne duthe acouo;
La vie s'rêjouit où'est qu'nou pliaichit ses morts.
La breque mé mouontre eune êcappe dans lé clios;
Lé jaune du colza sèrt d'enchens et d'or.
La pouquelaye a ouvèrt lé monde à mé;
Sa forme dé sétheûthe n'attendait qu'eune clié
Dêbârrant souos lé bliu et l'blianc les s'grets
D'la paix païenne des pièrres du Mont Ubé.
No comments:
Post a Comment