Aussi bein qu'les Trais Rouais

Aussi bein qu'les Trais Rouais

Ny Drogh Vraane

Quand Jésû 'tait un pétchiot
et né d'la Vièrge Mathie,
les preunmièrs tchi lé louangîtent
lî vîntent d'eune bèrgéthie.
Et lé-é chein tch'a des ouothelles
pouor ouï, véthe-dgia, qu'i' ouaie:
Jésû aimait les bèrgers
aussi bein qu'les Trais Rouais.

Quand Jésû 'tait tchèrpentchi,
atout clious et martchieaux
il apprannait san mêtchi
coumme les aut's sîmpl'yes hardgieaux.
I' chi-innait à tigue dé corps
sus bein dé buts dé bouais.
Jésû aimait san travas
aussi bein qu'les Trais Rouais.

Quand Jésû fut trisonné
et env'yé à sa mort,
né v'là tchi soûffraient auve li
deux voleurs, des deux bords.
Même su-us chu Mont à la Cranne
et clioué sus la crouaix,
ch'est qu'Jésû aimait l'voleux
aussi bein qu'les Trais Rouais.

Quand Jésû, ressuscité,
montit ès pus hauts lieux,
i' s'assiévit pouor jugi
là, au dêtre du Bouôn Dgieu.
Quand j'tchi-itt'tai chutte vie d'mînséthe,
jé s'sai heutheux, car j'crai
qué Jésû aime lé pécheux
aussi bein qu'les Trais Rouais.