Fliottes

This week on BBC Jersey, we explained a Jersey dish, traditionally made on Good Friday : fliottes

• flieu = flour
• lait = milk
• chucre = sugar
• sé = salt
• tchul'lée = spoonful
• oeu = egg
• beurre = butter
• muscade = nutmeg
• farce = batter
• dêmêler = to mix
• ajouôter = to add
• mett' = to put
• tchuithe = to cook
• bouoilli = to boil
• laîssi = to leave
• caud = hot, warm

Vidgo:



Èrchette:

Des Fliottes

Pouor lé Vendrédi Saint

• eune d'mié-livre dé flieu
• eune quarte d'lait
• un quart'ron d'chucre
• eune d'mié-tchul'lée à thée d'sé
• deux oeux
• un mio d'beurre
• d'la muscade

Dêmêlez la flieu, l'chucre, les oeux et l'sé. Ajouôtez un gouttîn d'lait d'extra.

M'ttez la quarte dé lait à bouoilli, atout l'beurre, pis m'ttez la farce à tchuithe dédans, la valeu d'eune tchul'lée à soupe à la fais.

Ou trouv'thez qué la farce lève et fliotte dans l'lait.

Laîssiz les fliottes mitonner pour tchiques minnutes.

À m'suthe qu'i' tchuisent, m'ttez-les dans un pliat et gardez-les caudes.

Eune fais qué toute la farce est tchuite, sèrvez les fliottes caudes auve lé lait dans tchi qu'il' ont 'té tchuites.