Un Meurtre sus le Train, La Meuse

Lé scrit d'eune pièche dé thiâtre:

A playscript:

Un Meurtre sus le Train, La Meuse

 

LE TRAIN ARRIVE DES MINQUIERS A LA STATION DE LA CAUCHIE DE ST. HELYI.

 

LE PORTCHI CRIE:

Portchi: Mefious, bouonnes gens, le train des Minquiers arrive sus la pliate-forme numero trais!!

 

UN AUTRE PORTCHI ARRIVE AVEC SON TCHERRIOT PLIEIN DES BAGGAGES ET L'MONDE DEHALLENT DU TRAIN. UN GRAND PANNYI TCHULBUTE DU TCHETHIBOT ET L'CADAVRE DE JEAN L'SUEUR TCHAI SUS LA STRADE!!

 

Portchi No.2: Man doux d'la vie, tche qui s'arrive? Ch'est Moussieu Jean Le Sueur. Est-i' mort?

 

UN HOUMME QUI VINT DE LA DIRECTION DU TRAIN S'ARRETE ET EXAMINE LE MORT.

 

Hercule Pallot: Danme-oui - creve coumme un maggot! J'crais bein que ous avez oui d'me – j'sis Hercule Pallot le fameux agent pour la detection des crinminnels!

 

DU MONDE ARRIVENT ET PARMYI IEUX EST EUNE VIELLE DANME.

 

Miss Marple: Oui, Moussieu Pallot, j'vos connais. Et me, j' passe man temps a cherchi les malfaiteurs etout! J'sis Miss Marple.

 

Hercule Pallot: Eune bouigre d'Angliaiche! I' sont partout l'Ile! Mais ch'est ravissant qu'ou pale le Jerriais.

 

Miss Marple: Je 'te es classes du se, bein seux!

 

LE CHENTNYI PETER PEARCE ARRIVE. Peter: J'sis Peter Pearce. Tche qu'en est de tout chennechin? Restez tous eyou qu'ous etes, si vos pliait. Bonjour Miss Marple, salut Mess Pallot! T'etes-ous les deux sus l' train des Minquiers?

 

Miss Marple: Oui Chentnyi! Et tchi belle reclamation de St. Helyi jusqu' es Minquiers!......

 

Hercule Pallot: Oui, oui, Miss Marple, mais je n'soummes pas ichin pour distchuter le viage! I' S'TOUONNE A L'AUDIENCE Les femmes ne font que d'bailli d'lus varvette!

 

Peter Pearce: Avous veu tchiquechose de soupconneux? Avous paler au mort? J'soummes-t-i seux que ch'est li? Arretez! I S'MET A FOUOILLI DANS L'PANGNI. Ah tche qu'est chennechin?

 

IL A TROUVE EUNE CARTE DE L'ILE.

 

Eune danme qui passe: Ah oui, ch'est eune carte tchi vint d'etre publiee. Avous veu que St. Jean manque de la d'ssus?

 

I' LUS METTENT TOUS A 'RGARDER LA CARTE.

 

Peter Pearce; Oui dgia, ch'est Le Sieur Le Sueur, evchin san nom dessus.

 

DU MONDE ARRIVENT DU TRAIN.

Hercule Pallot: Arretez, si vos pliait, le chentnyi s'en va vos tchestionner iun a la fais.

 

Missis Vernon Tomes: Tche qu'ous avez la? Eune carte de l'Ile? Et ou est qu'est St. Jean, j'vos d'mande?

 

Miss Marple: Vot' nom si vos pliait, Madame?

 

Miss Tomes: J'sis la femme au Protchuleux de l'Ile. Ergardez-me le gros creux sus la carte eyou que St. Jean 'tait. Damne, j'sis bein contente de l'vais mort, ch't houme la!

 

Peter Pearce: Madame, ergardez tche qu'ou dites! J'veurs saver tche qu'a tuer Mess' Le Sueur! 'Y-avous paler sus l'train?

 

Madame V. Tomes: Mais bein seux qu' oui! J'li ai d'mander pourtchi que not' belle maison a St. Jean et touos l'alentours ont 'te demolis. Nos v'la achteu dans eune maison a la Preumyi Tour et tout che que j'viyons ch'est la boustre de reclamation que l'Etats ont bati jusqu'es Minquiers. St. Jean n'existe pas d'autre. Ronez l'ont tchethie jusqu'es Minquiers!

 

Miss Marple: Mais avous tue Mess Le Sueur?

 

Missis Tomes: Eh bein, j' l'ai m'nasse!!

 

Hercule dehalle son livre et s'met a ecrithe: T'nous-la, si vos pliait?

 

EUNE AUT' FEMME EST SUS LA PLIATE-FORME. OU PORTE EUNE TABLYE A FETHER.

 

Peter Pearce: Vot' nom, Madame.

 

Missis Hickman: J'sis Missis Ron Hickman. Ah bein, ch'est que j'li en ai chante a chu cadavre ichin!! M'n homme ethait construit un pont jusqu'es Minquiers et il ethait patchi coumme chennechin (OU LUS MONTRE AUVE SA TABLYE A FETHER) quand i' n' y avait pas de traffique, mais nannin, ch't houmme-chin l'a 'rfuse!

 

Miss Marple: Mais ch'est-i' du sang sus vot' tablye, Missis Hickman?

 

Missis Hickman: Et bein danme oui, j' li ai fiche eune ouappe avec!!

 

Miss Marple, Hercule et Peter: Oh, bein interessant!

 

DES FEMMES QU'ONT 'TAIT A JOUER AU TENNIS SONT LA ETOUT.

 

Peter: Et vous Mesdames?

 

Ieune des femmes: J'avons 'te jusqu'es Minquiers pour vaie si ch'est possiblye de bati eune grande tente la-bas et i' y a du run assez pour en bati ieune deux fais pus grande qu'a Grands Vaux.

 

Eune autre femme: Oui ch'est coumme eune grand' leune, et ch'est si be!

 

Traisieme femme: J'voulons jouer au tennis tout l'long d' l'annee!

 

Hercule: Ous etes folles! J'espethe que tchique vaurien de chu canton-la s'en va tirer deux-trais creux dans chu monstre-la!

 

Peter Pearce: Mess Pallot!!

 

Miss Marple: J'le f'rais bein, mais j' n'ai pas d' arme!!

 

Tous: Miss Marple!

 

Les trais femmes: Ch'est tout bein, mais j' n'avons pas ieu permission.

 

Peter Pearce: Mais li avous fait du ma?

Les trais femmes: Um…..Oui, un miot!

 

Hercule: Ah ch'est la Damne Iris Le Feuvre! Avous 'te es Minquiers etout?

Iris: Mais bein seux. Eyou qu'ou criyiz que j' nos en allons bati le nouviau College es Filles? L's eleves ethaient peu rester la toute la s'maine et ervenin le vendredi au se. Pas de traffique duthant la s'maine!

 

Missis Tomes: Mais tche qu'i' s'est arrive.

 

Iris: Mess. Le Sueur a mint son nez la et il a erfuse sans ouir che que j'avais a dithe.

 

Peter: Mais ch'est-i vous qui l'avez tue?

 

Iris: Oui ch'na s'pouorrait – avec mes plians!!

 

Alphonse Le Gastelois: Extchusez-me, j'sis Alphonse Le Gastelois, avous veu Mess Le Sueur? IL A DES TAS D' BAGGAGES.

 

Peter: Tche qu' ou voulez?

 

Alphonse: J'veurs qu'i' signe mes papiers. J'm'en vais me procliamer Rouai des Minquiers!!

 

Peter: Je crais qu'ous avez tous bu trop. V'nez auve me a la station.

 

Eune damne de la Police: Tchi? Des ivrouongnes? Souoffliez dans ches pouques-ichin si vos pliait!!

 

Portchi: Mefious, Mefious, le train de chinq heuthes s'en va pour les Minquiers dans chinq minnutes! Mefious!

 

LE CADAVRE SE LEVE.

 

Tous: Oh! Mon Doux! I COUORRENT ICHIN ET LA.

 

Jean Le Sueur: (a l'audience) Avous oui chu niolin la? I' S'TOUONNE A TOUS. Criy-ous que deux-trais p'tites tappes s'en vont m' tuer? Ah danme nannin! J' 'tais un miot lasse et je m'sis endormi! I' y a acouo un p'tit miot de St. Jean de restant a Sion eyou que je d'meuthe et j'ai des grands plians pour chenna. Et pis, j'sis acouo Connetablye et President de l' I.D.C. et, coumme ou viyiz, ch'est acouo me qu'a ieu le dernier mot!!

 

 

JoanTapley