Monday 29 August 2011

Les êparts d'Êté aheuqu'tent dans lé nièr

Boby Dimitrov - Summer lightning storm over Sofia (2) (by-sa)(Eune poésie pouor la fîn du mais d'Août 2011)

Les êparts d'Êté aheuqu'tent dans lé nièr;
les pifres et pouques à vent du rigodon
font valser l's êmânues et les chorchièrs
tchi ronnent, bourdonnent, et gronnent coumme des canons.

Caûffé coumme les cahuches et caûque-souothis,
il en dêtchèrque un abat-dg'ieau d'à haut;
les pavés sont êcaûdés. Chutte ticlyie
a êvâtchi et env'yé avaû-l'ieau

les fielles et flieurs à finne-é-vèrse étout.
Lé solé sique, et les êtailes sont finnes;
j'èrsommes entchéthaûdés au doux mais d'Août,
à danser l'Êté hors d'auve des daûtchinnes.

No comments: