Ch'est la mort

Oulle êpyie à ma f'nêt', s'mâte au pas d'l'us
raîque à tchiques engambées à portée d'mé;
tréjous à scoltchi à la carre d'la rue:
ch'est la mort habilyie en nièr tchi m'siet.



Ou n'dit mot. J'ouai la chuchot'tie d'ses manches,
d'ses mains meurtriéthes muchies ès nièrs clius,
épis la grînch'chie d'la faux qu'oulle êcanche
en chabolant par les pavés fieillus.

Ou m'rattrape s'grètement là iou qu'j'ai couothu,
chutte stchelette stchie tch'est tréjous souotre mé.
N'y'a d'aut' d'êcappe d'la cheinne tch'est man haînu:
ch'est la mort habilyie en nièr tchi m'siet.